19 جەلتوقساندا پارلامەنت پالاتالارىنىڭ بىرلەسكەن وتىرىسى وتپەك. وندا دەپۋتاتتار پارلامەنت جۇمىسىنىڭ رەگلامەنتىن تالقىلاۋ جانە قابىلداۋ ماسەلەسىن قارايدى، دەپ مالىمدەدى سەنات توراعاسى ماۋلەن اشىمباەۆ.

ونىڭ ايتۋىنشا، وتىرىستا سايلاۋعا نەمەسە باسقا دا ماسەلەلەرگە قاتىستى ماسەلەلەر تالقىلانبايدى. جيىنعا مەملەكەت باسشىسى قاتىسپايدى.

"جالپىحالىقتىق رەفەرەندۋمداعى كونستيتۋتسيا رەفورماسىنا سايكەس، كونستيتۋتسياعا پارلامەنتتىڭ قوس پالاتاسى – ءماجىلىس پەن سەناتتىڭ ءوزارا قارىپ-قاتىناسىن رەتتەيتىن نورمالار ەنگىزىلەدى. اتاپ ايتقاندا، پروتسەس وڭتايلاندىرىلادى»، - دەدى ماۋلەن اشىمباەۆ.

ايتا كەتەيىك، جاقىندا ءماجىلىس توراعاسى ەرلان قوشانوۆ پارلامەنت پالاتالارىنىڭ بىرلەسكەن وتىرىسىن شاقىرۋ تۋرالى وكىمگە قول قويدى.

«قازاقستان رەسپۋبليكاسى كونستيتۋتسياسىنىڭ 58-بابى 4-تارماعىنىڭ 2) تارماقشاسىنا سايكەس، قازاقستان رەسپۋبليكاسى پارلامەنتى پالاتالارىنىڭ بىرلەسكەن وتىرىسى 2022 جىلعى 19 جەلتوقساندا ساعات 11-دە استانا قالاسىندا شاقىرىلسىن»،- دەپ جازىلعان وكىم ماتىنىندە.

Abai.kz