امەريكا القابيلەر سوتى ءابليازوۆتىڭ اقشا ۇرلاۋ جانە اقشانى جىلىستاتۋ بويىنشا سوت پروتسەسىندە بتا بانكىنە 218 ميلليون دوللاردان استام ايىپپۇل سالدى، دەپ حابارلايدى بتا بانكىنىڭ ءباسپاسوز قىزمەتى.

«2022 جىلدىڭ 29 قاراشاسىندا باستالعان سوت پروتسەسىندە العاش رەت بتا بانكى مۇحتار ءابليازوۆتىڭ جاپپاي الاياقتىق پەن اقشانى جىلىستاتۋ سحەماسىن ۇيىمداستىرعانى تۋرالى دالەلدەر ۇسىندى. 2009 جىلى بتا بانكى –  قازاقستانداعى ءۇشىنشى ءىرى بانك ەدى. ءابليازوۆتىڭ ۇرلاعان ميللياردتاعان قارجىسى بانكتى ۇلتتاندارۋعا الىپ كەلدى. بۇل سالىق تولەۋشىلەردى ميلليارد دوللاردان استام شىعىنعا باتىردى.

جاۋاپكەر تاراپ – Triadou SPV –  ءابليازوۆتىڭ كۇيەۋ بالاسى ءىلياس حراپۋنوۆقا تيەسىلى جالعان كومپانيا. كومپانيا بتا بانكتەن  ۇرلانعان 70 ميلليوننان استام اقش دوللارىن نيۋ-يوركتەگى جانە امەريكا قۇراما شتاتتارىنىڭ باسقا جەرلەرىندەگى جىلجىمايتىن مۇلىككە ينۆەستيتسيا رەتىندە سالعان»،-دەلىنگەن ءباسپاسوز قىزمەتىنىڭ حابارلاماسىندا.

القا بيلەر ءابلازوۆ بتا بانكتەن جىمقىرعان قاراجاتتى Triadou كومپانياسى سانالى تۇردە جىلىستاتتى دەگەن شەشىمگە كەلگەن.

Abai.kz