قىرعىزستاندا ورۆي ۆيرۋسىنىڭ كوبەيۋى سەبەبىنەن بارلىق مەكتەپ 24 جەلتوقسانعا دەيىن كارانتينگە جابىلدى. بۇل جونىندە ەلدىڭ ءبىلىم جانە عىلىم ءمينيسترىنىڭ ورىنباسارى ناديرا جۇسىپبەكوۆا جوگوركۋ كەڭەش وتىرىسىندا حابارلادى.

وقۋشىلاردىڭ ساباعى ونلاين رەجيمگە اۋىسقان.

ورۆي ۆيرۋسى اسىرەسە بىشكەك، شۋ جانە تالاس وبلىستارىندا ءورشىپ تۇر. وندا بالالاردىڭ 17-30% اۋىرىپ مەكتەپكە بارماي قالعان.

15 جەلتوقسانداعى كورسەتكىش بويىنشا، قىرعىزستاندا 509 مەكتەپ جانە 168 بالاباقشا كارانتينگە جابىلعان.

دەنساۋلىق ساقتاۋ مينيسترلىگىنىڭ مالىمەتىنشە، 14 جەلتوقسانداعى جاعداي بويىنشا ورۆي جۇقتىرعان 9 مىڭ 809 ادام تىركەلگەن. ولاردىڭ 70%- بالالار.

Abai.kz