2023 جىلدىڭ 1 قاڭتارىنان باستاپ ماجىلىسكە زاڭ قابىلداۋ قۇقىعى بەرىلەدى. بۇل جايىندا ادىلەت ءمينيسترى قانات مۋسين ءمالىم ەتتى.

«سەنات پارلامەنتتىڭ ەكىنشى پالاتاسى سانالادى. اۋەلى ءماجىلىس زاڭدى قابىلداپ، سەناتقا ماقۇلداۋعا جىبەرەدى. سەنات زاڭ نورمالارىمەن كەلىسپەسە دە، ءماجىلىس قۇجاتتى قابىلداي بەرەدى. ءسويتىپ ءماجىلىس زاڭدى پرەزيدەنتكە قول قويۋعا جىبەرەدى. جالپى سەنات جۇمىسى وزگەرگەن جوق، زاڭ قابىلداۋ جۇمىسىنا قاتىسادى. سودان كەيىن سەنات پەن ءماجىلىستىڭ بىرلەسكەن وتىرىستارىندا كونستيتۋتسيالىق زاڭدار قابىلدانادى. ۇكىمەت ازىرلەگەن جەدەل زاڭداردى پالاتالاردىڭ وتىرىسىندا قارايدى. سەناتسىز پارلامەنت جۇمىس جاسامايدى»، - دەدى پارلامەنت پالاتالارىنىڭ وتىرىسىنان كەيىن باق وكىلدەرىنىڭ ساۋالىنا جاۋاپ بەرگەن مينيستر.

ايتا كەتەيىك، بۇگىن سەنات پەن ءماجىلىستىڭ بىرلەسكەن وتىرىسىندا پارلامەنتتىڭ رەگلامەنتىنە ەنگىزىلگەن وزگەرىستەر مەن تولىقتىرۋلار قابىلدانعان ەدى.

اتالعان رەگلامەنتكە سايكەس، 2023 جىلدىڭ 1 قاڭتارىنان باستاپ ماجىلىسكە زاڭ قابىلداۋ قۇقىعى بەرىلەدى.

Abai.kz