جۋرناليست ۆاديم بورەيكو قازاقستان قارجى مونيتورينگى اگەنتتىگىنىڭ قىزمەتكەرلەرى ۇستاعان ارىپتەسى ميحايل كوزاچكوۆتىڭ ۇندەۋىن جاريالادى.

بورەيكو بۇل حاتتى چاتتاردىڭ بىرىنەن العان، كەيىن كوزاچكوۆ ادۆوكاتىمەن سويلەسىپ، ۇندەۋدى قاماۋداعى جۋرناليست جازعانىن راستاعان.

حاتتا جۋرناليست "رەيدەرلىككە، ۇيىمداسقان قىلمىسقا قاتىستى، بۇعان قوسا مەملەكەتتىك قۇپيانى جيناپ، ونى تاراتتى دەپ ايىپتالعانىن" جازدى. مەملەكەتتىك قۇپياعا قاتىستى باپقا توقتالعان اۆتور مۇنداي ايىپتاۋعا ادۆوكاتتاردى اڭدىعان قما قىزمەتكەرلەرى تۋرالى اقپارات نەگىز بولۋى مۇمكىن دەپ توپشىلادى.

"ونىڭ جەكە باسى تۋرالى مالىمەت اشىق دەرەككوزدەردە بار، ونى الۋ ءۇشىن ەشقانداي قۇپيا بازانى بۇزعان جوقپىن. ال "رەيدەرلىك" پەن "ۇيىمداسقان قىلمىستىق توپ" باپتارى - "ەسەنتاي سيتي" مەن باسقا دا نىساندار توڭىرەگىندەگى ەڭ شۋلى داۋعا قاتىستى. ءبىر تۇسىنگەنىم، اقشا جىمقىردى دەپ ايىپتالعان الماس ابدىعاپپاروۆتىڭ قىلمىستىق ءىسى تۋرالى ماقالا جازعانىم ءۇشىن "قىلمىسكەر اتانسام" كەرەك", - دەپ جازىلعان بۇل حاتتا.

ودان سوڭ اۆتور "نەگە ەكەنى بەلگىسىز، تەرگەۋشىلەر مەن پروكۋرورلاردى، سۋديالاردى رەيدەرلىك جاسادى دەپ ايىپتامايدى دا، بۇل تۋرالى بىرنەشە ماقالا جازعان ءجۋرناليستى يزولياتورعا تاستايدى" دەپ جازعان.

"ونى تۇسىندىرۋگە دايىنمىن. شىن مانىندە مەنىڭ قامالۋىم - قما جەتەكشىسى جانات ەليمانوۆتىڭ كەك الۋى", - دەپ مالىمدەدى كوزاچكوۆ.

اگەنتتىك باسشىسى جانات ەليمانوۆتىڭ جۋرناليست ميحايل كوزاچكوۆ اتىنان جاريالانعان حاتقا پىكىرى قانداي ەكەنى ازىرگە بەلگىسىز.

Abai.kz