رەسەي استاناسىنداعى ەڭبەك ميگرانتتارىن ۋكرايناداعى سوعىسقا قاتىسۋ ءۇشىن كەلىسىم-شارتقا وتىرۋعا ۇندەپ جاتىر. Sota باسىلىمى "ۆىحينو" مەتروسىندا تاراتىلعان پاراقشانى جاريالادى.

باسىلىم مالىمەتىنشە، مەترودا پاراقشا تاراتقان ەر ازامات "جولاۋشىلاردان قاي ەلدىڭ ازاماتى ەكەنىن سۇراپ، كوپشىلىك اراسىنان ميگرانتتاردى ادەيى ىزدەگەن". ول پاراقشادا ۇجىمدىق قاۋىپسىزدىك تۋرالى شارت ۇيىمىنا مۇشە ەلدەردىڭ 18 بەن 40 جاس ارالىعىنداعى ازاماتتارىن رەسەي ارمياسىنا كىرۋگە ۇگىتتەگەن. پاراقشادا ۇمىتكەردىڭ كەم دەگەندە توعىز سىنىپتىق ءبىلىمى بولۋى، ورىس ءتىلىن ءبىلۋى شارت ەكەنى جازىلعان.

رەسەي ارمياسىندا قىزمەت ەتۋدىڭ ارتىقشىلىعى رەتىندە "ۋكرايناداعى ۇلتشىلدارمەن ۇقشۇ اياسىندا بىرگە كۇرەسۋ", "باعا جەتپەس اسكەري تاجىريبە الۋ", "رەسەي باتىرى اتانۋ مۇمكىندىگى", "رەسەيدىڭ رۋحى ۇقساس ەكى حالقى اراسىنداعى بايلانىستى ەسكە ءتۇسىرۋ، جانداندىرۋ", سونىمەن بىرگە "ۇلى رەسەي مەن دوس رەسپۋبليكالار حالىقتارىن قايتا قالپىنا كەلتىرۋگە تىكەلەي اتسالىسۋ" دەپ كورسەتىلگەن.

سوعىستى قولدامايتىندار مەن ۋكراينانى جاقتايتىندار، سونىمەن بىرگە رەسەي ارمياسىنا "كىر كەلتىرەتىن" روليكتەر نەمەسە مالىمەت تاراتقاندار ۇمىتكەر بولا المايدى.

بۇنىڭ الدىندا رەسەيدەگى بىرنەشە قۇرىلىس كومپانياسى تاجىكستاننان كەلگەن ميگرانتتاردى ماريۋپول قالاسىن قالپىنا كەلتىرۋگە قاتىسىپ، اقشا تابۋعا شاقىرعان. كەيىن سوندا جۇمىسقا بارعان ەڭبەك ميگرانتتارى ۋادە ەتىلگەن جالاقىنىڭ جارتىسىن عانا تولەگەنىن ايتقان. رەسەي ۋكرايناداعى سوعىسقا وزبەكستان، تاجىكستان جانە قىرعىزستان تۋمالارىن پايدالانىپ جاتقانى دا حابارلانعان.

Abai.kz