فرانتسيانىڭ وكىلەتتى ورگاندارىنا مۇحتار ءابليازوۆتى ەلگە ەكستراديتسيالاۋ تۋرالى سۇرانىس حات جولداندى. بۇل تۋرالى قر باس پروكۋرورىنىڭ ورىنباسارى جاندوس ومىراليەۆ ايتتى.

«وزدەرىڭىزگە بەلگىلى، قازاقستاندا قۇزىرلى ورگاندار م. ابليازوۆقا قاتىستى ەكى قىلمىستىق ءىس قوزعاعان. بىرەۋى - بتا بانك قاراجاتىن جىمقىرۋ فاكتىسى، ەكىنشىسى – ە. تاتىشەۆتىڭ ولىمىنە قاتىستى. ەكى قىلمىستىق ءىس بويىنشا دا ايىپتاۋ ۇكىمى كۇشىنە ەنگەن سوڭ ءتيىستى ەكستراديتسيا تارتىبىمەن فرانتسيانىڭ وكىلەتتى ورگاندارىنا سۇرانىس حات جولدانعان. ولاردىڭ قارالۋ ساتىسى ءارتۇرلى مەرزىمدە، قازىر فرانتسيا م. ابليازوۆقا باسساۋعا كۇشىن جويدى. وسى جانە قولدانىلىپ جاتقان باسقا دا شارالار سەپتىگىن تيگىزەدى دەپ ويلايمىن. سۇرانىس حاتتارى ءبىزدىڭ قاتاڭ باقىلاۋىمىزدا، ءبىز وعان بار كۇشىمىزدى سالامىز»، - دەدى ج. ومىراليەۆ.

ايتا كەتەيىك، 9 جەلتوقساندا فرانتسيا مۇحتار ابليازوۆكە ساياسي باسساۋعا بولۋدان باس تارتتى. امەريكا القابيلەر سوتى اقشا ۇرلاۋ فاكتىسى بويىنشا مۇحتار ابليازوۆقا $218 ملن ايىپپۇل سالدى.

Abai.kz