"Kazakh Tourism" ۇلتتىق كومپانياسى رەسەيلىك ءازىل-سىقاقشىلاردىڭ كونتسەرتىن ۇيىمداستىرۋعا 20 ملن تەڭگە بولگەن. بۇل تۋرالى Protenge تەلەگرام ارناسى جازدى.

"Kazakh Tourism" – ءنىڭ قولداۋىمەن ۇيىمداستىرىلعان "Aktau Comedy Fest" ءىس-شاراسىندا 6 قازاقستاندىق، 2 رەسەيلىك سىقاقشى: سەرگەي ورلوۆ پەن اندرەي ايراپەتوۆ ونەر كورسەتكەن. ۇيىمداستىرۋشى شامشيەۆا ايجان اتتى جەكە كاسىپكەر مەن Kazakh Tourism اراسىندا 18,6 ملن تەڭگەگە كەلىسىمشارت جاسالعان.

"Kazakh Tourism" ۇلتتىق كومپانياسى بۇل ءىس-شارانى «ەلگە تۋريست تارتۋ ماقساتىندا» جاسالىپ جاتىر دەپ تۇسىندىرگەن. تۇرىك كاسىپكەرى فەتتاح تاميندجەگە تيەسىلى "Rixos Aktau" قوناق ۇيىندە وتكەن كونتسەرتكە اينالدىرعان مىڭ ادام كەلگەن. ونىڭ ۇستىنە ۇلتتىق كومپانيا قوناق ءۇي زالىن 3,3 ملن تەڭگەگە جالداعان. ءبىز وتاندىق ءتۋريزمدى وسىلاي دامىتىپ جاتىرمىز، دەپ جازادى Protenge.

ايتا كەتەيىك، "Kazakh Tourism" ۇلتتىق كومپانياسىنىڭ سايتىندا ونىڭ 2017 جىلى قازاقستاندى تۋريستىك باعىتىن الەمدىك دەڭگەيگە شىعارۋ ماقساتىندا قۇرىلعانى جازىلعان. "Kazakh Tourism "ۇك" اق-نىڭ جالعىز اكتسيونەرى – قازاقستان رەسپۋبليكاسى مادەنيەت جانە سپورت مينيسترلىگىنىڭ تۋريزم يندۋسترياسى كوميتەتى.

Abai.kz