باس پروكۋروردىڭ ورىنباسارى جاندوس ومىراليەۆ ۇقك بۇرىنعى توراعاسى كارىم ءماسىموۆتىڭ ىسىنە قاتىستى سۇراققا جاۋاپ بەرۋدەن باس تارتى. ونىڭ ايتۋىنشا اتالعان ىسكە بايلانىستى بارلىق ساۋال استانا قالاسى قىلمىستىق ىستەر جونىندەگى مامانداندىرىلعان اۋدانارالىق سوتىنا قويىلۋى كەرەك.

«بۇگىندە ۇلتتىق قاۋىپسىزدىك كوميتەتىنىڭ بۇرىنعى توراعاسى كارىم ءماسىموۆتىڭ ءىسى سوتتا قارالىپ جاتىر. سوندىقتان بۇل ءىستى ءتۇسىندىرۋ جانە شەشىم قابىلداۋعا قاتىستى بارلىق سۇراققا جاۋاپ بەرۋ سوتتىڭ قۇزىرەتىنە كىرەدى. سوندىقتان ءىستى قاراپ جاتقان ۆەدومستۆوعا جۇگىنىڭىزدەر... سۇراقتارعا جاۋاپ بەرۋ مەنىڭ قۇزىرەتىمە كىرمەيدى»، - دەدى جاندوس ومىراليەۆ.

ەسكە سالا كەتەيىك، قاڭتار وقيعاسىنان كەيىن مەملەكەتكە وپاسىزدىق جاسادى دەگەن ايىپپەن ۇستالعان كارىم ءماسىموۆ پەن ونىڭ ورىنباسارلارىن تەرگەۋ «وتە قۇپيا» جۇرگىزىلدى. ۇقك بۇرىنعى باسشىسى بىرنەشە اي قاماۋدا وتىردى. 25 تامىزدا كارىم ءماسىموۆ پەن ونىڭ ورىنباسارلارىنا قاتىستى قىلمىستىق ءىستى تەرگەۋ اياقتالعانى حابارلاندى.

Abai.kz