شەتەل كومپانيالارى رەسەيدەن قازاقستانعا كوشىپ جاتىر. بۇگىندە 21 كومپانيا رەلوكاتسيا جاساعان. بۇل تۋرالى سىرتقى ىستەر ءمينيسترىنىڭ ورىنباسارى الماس ايداروۆ ايتتى.

"اقش-تىڭ «حاينيۆال» كومپانياسى بۇگىندە الماتىدا ءوندىرىس وشاعىن اشىپ ۇلگەردى. بارىنە تانىمال تikTok كومپانياسىنىڭ بۇرىن قازاقستاندا وكىلدىگى جوق بولاتىن. قازاقستانداعى نارىقتى ولار ماسكەۋدەگى كەڭسە ارقىلى باسقارىپ وتىرعان ەدى. قازىر تikTok قازاقستاندا جەكە ايماقتىق كەڭسە اشتى. ياعني تikTok رەلوكاتسياسى بولدى دەپ ايتا الامىز. يندرايۆ يەسى دە وسى جاققا كەلگەنىن بىلەسىزدەر. ول كومپانيا بۇكىل ايماقتىق كەڭسەسىن وسىندا كوشىرىپ جاتىر. يندرايۆتىڭ بۇكىل ءىت ماماندارى وسىندا كوشۋدە”، - دەيدى ول.

ونىڭ ايتۋىنشا، رەسەي ەكونوميكاسى بىزدەن گورى ون ەسە ۇلكەن بولعاندىقتان، بۇرىن ەۋرازيا نارىعىنا شىققىسى كەلەتىن كومپانيالار باس كەڭسەلەرىن ماسكەۋدە نە سانكت-پەتەربۋرگتە اشاتىن. قازىر رەسەيگە سالىنعان سانكتسيالاردان كەيىن، ولار قازاقستان قالالارىن تاڭداي باستادى. بۇگىندە 62 كومپانيا قازاقستانعا كوشۋگە نيەت بىلدىرگەن. ءالى دە تولىعا تۇسپەك.

Abai.kz