قازاقستاندىق شەنەۋنىكتەر مەن ولاردىڭ جۇبايلارىنىڭ شەتەلدىك بانكتەردە ساقتاعان 530 ملرد تەڭگەسى بار. بۇل تۋرالى LS سايتى جازادى.

مەملەكەتتىك كىرىستەر كوميتەتىنىڭ حابارلاۋىنشا، بيىل كىرىستەر مەن مۇلىك تۋرالى دەكلاراتسيانى 576 872 جەكە تۇلعا تاپسىرعان.

ماسەلەن، 2021 جىلعى 31 جەلتوقسانعا:

354 قازاقستاندىق 59 ەلدىڭ بانكتەرىندt 529 ملرد تەڭگە ساقتايدى. ەڭ كوپ سوما ءباا، سينگاپۋر، شۆەيتسارياعا تيەسىلى;

377 جەكە تۇلعا قازاقستاننان تىس جەردە 466 جىلجىمايتىن مۇلىك وبەكتىسىن دەكلاراتسيالادى. نىساندار 25 مەملەكەتتە تىركەلگەن. ەلدەر بويىنشا ەڭ كوپ سانى رەسەيگە، اقش-قا، ءباا-گە، تۇركياعا تيەسىلى;

124 قازاقستاندىق 24 ەلدە تىركەلگەن باعالى قاعازدار تۋرالى مالىمەت بەردى. اكتيۆتەردىڭ ەڭ كوبى اقش، رەسەي، ۇلىبريتانياعا تيەسىلى.

مەملەكەتتىك كىرىستەر كوميتەتى ەسەپتە سالىق كەزەڭى ءۇشىن الىنعان كىرىستەردى، سالىق شەگەرىمدەرىن، باعالى قاعازداردى، شەتەلدىك بانكتەردەگى اقشانى، مۇلىكتى ساتىپ الۋدى نەمەسە يەلىكتەن شىعارۋدى، دەبيتورلىق/كرەديتورلىق بەرەشەكتى، قازاقستاننان تىس جەرلەردەگى مۇلىكتى كورسەتۋ قاجەت ەكەنىن ەسكە سالدى. وسى دەكلاراتسيادا اكتيۆتەردى ساتىپ الۋعا ارنالعان قاراجات كوزدەرىن كورسەتۋ قاجەت.

ايتا كەتەيىك، قازاقستاندا نەگىزسىز بايىپ جاتقاندارعا جاۋاپكەرشىلىك ەنگىزۋ جوسپارلانۋدا.

Abai.kz