ەلىمىزدىڭ باس سانيتارى قازاقستاندىقتارعا حالىق كوپ جينالاتىن جەرلەردە بەتپەردە تاعۋدى ۇسىندى.

«رەسپۋبليكادا كوروناۆيرۋستىق ينفەكتسيا بويىنشا ەپيدەميولوگيالىق جاعداي تۇراقتى. ەپيدەميولوگيالىق جاعدايدى باعالاۋ ماتريتساسىنا سايكەس رەسپۋبليكا جانە بارلىق وڭىرلەر جاسىل ايماقتا ورنالاسقان. تاۋلىگىنە COVID-19 بويىنشا ءپتردىڭ وڭ ناتيجەلى 300-گە دەيىن جاعدايى جانە ءپتردىڭ تەرىس ناتيجەلى 40-قا دەيىن جاعدايى تىركەلەدى، ناۋقاستاردىڭ 99%-ى ساۋىعىپ كەتتى. سوڭعى اپتادا وتكەن اپتامەن سالىستىرعاندا سىرقاتتانۋشىلىق 3% - عا ءوستى»، - دەدى قر دەنساۋلىق ساقتاۋ ۆيتسە-ءمينيسترى - باس مەملەكەتتىك سانيتاريالىق دارىگەرى ايجان ەسماعامبەتوۆا.

ول 12 وڭىردە (استانا، الماتى قالالارى، اقمولا، اقتوبە، شقو، اباي، بقو، قاراعاندى، ۇلىتاۋ، قوستاناي، قىزىلوردا، ماڭعىستاۋ وبلىستارى) R كورسەتكىشى بىرلىكتەن جوعارى ەكەنىن اتاپ ءوتتى، بۇل ينفەكتسيانىڭ تارالۋىنىڭ وسكەنىن كورسەتەدى. وسىعان بايلانىستى، ا.ەسماعامبەتوۆا R كورسەتكىشىن 1-دەن جوعارى تىركەۋ كەزىندە حالىق كوپ جينالاتىن جەرلەردە بەتپەردە تاعۋ ۇسىنىلاتىنىن ايتتى.

ەسكە سالساق، بۇدان بۇرىن دەنساۋلىق ساقتاۋ ءمينيسترى اجار عينيات ەلىمىزدە شوشقا تۇماۋى مەن سۋپەرينفەكتسيالار تارالىپ جاتقانىن مالىمدەگەن.

Abai.kz