قر پرەمەر-ءمينيسترى ءاليحان سمايىلوۆ بۇگىنگى ۇكىمەت وتىرىسىندا وتكەن جىلدى قورىتىندىلادى.

«بۇگىن – ۇكىمەتتىڭ وسى جىلداعى سوڭعى وتىرىسى. جالپى ەلىمىز ءۇشىن بۇل جىل وڭاي بولعان جوق – قايعىلى «قاڭتار وقيعاسىنان» باستاپ الەمدىك ماڭىزى بار بىرقاتار قيىن جاعدايلار ورىن الدى. الايدا، قيىندىقتارعا قاراماستان، حالقىمىزدىڭ ىنتىماعى مەن اۋىزبىرشىلىگىنىڭ ارقاسىندا ءبىز قازاقستاندا بەيبىتشىلىك پەن تىنىشتىقتى ساقتاپ قالدىق»، - دەدى ءاليحان سمايىلوۆ ۇكىمەت وتىرىسىندا.

ونىڭ ايتۋىنشا، پرەزيدەنت قاسىم-جومارت توقاەۆ ۇكىمەتتىڭ الدىنا 2023 جىلى جانە ودان كەيىنگى 7 جىل بويى ءتيىمدى ىسكە اسىرىلۋى ءتيىس بىرقاتار مىندەت قويعان.

«ۇكىمەت پرەزيدەنتىمىزدىڭ ساياسي جانە الەۋمەتتىك رەفورمالارىن ىسكە اسىرۋ ءۇشىن بارلىق قاجەتتى شارالاردى قابىلدايدى. كەلەسى جىل دا وڭاي بولمايدى. بىراق ءبىز قويىلعان ماقساتتارعا جەتۋىمىز كەرەك. ول ءۇشىن ناقتى جوسپارلارىمىز بار. جاڭا جىلدا ەڭبەكتەرىڭىز جەمىستى بولسىن. بارشاڭىزعا زور دەنساۋلىق، تابىس، وتباسىلارىڭىزعا اماندىق تىلەيمىن! كەلە جاتقان جاڭا 2023 جىلمەن قۇتتىقتايمىن!»، - دەدى ءاليحان سمايىلوۆ.

ەسكە سالساق، بۇعان جەيىن ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقاەۆ كەلەسى جىل قازىرگىدەن دە كۇردەلى بولۋى مۇمكىن دەگەن ەدى.

Abai.kz