قايرات ساتىبالدىعا قاتىستى ءىس بويىنشا باسقا دا ەپيزودتار تەرگەلىپ جاتىر. بۇل قر سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى ۇلان سارقۇلوۆ ايتتى.

«باستى ءىس بويىنشا تەرگەۋ امالدارى اياقتالىپ، شەشىم شىعارىلدى. ەندى، ارى قاراي ءتيىستى جۇمىستار جۇرگىزىلەدى»، - دەدى ۇ. سارقۇلوۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

ۇلان سارقۇلوۆ قايرات ساتىبالدىعا قاتىستى ۇكىمدە قامتىلعان دەرەكتەردەن بولەك، قازىر باسقا ەپيزودتار تەرگەلىپ جاتقانىن ناقتىلادى.

«تەرگەۋ قۇپيالىعىن ساقتاۋ ماسەلەسى بار ەكەنىن ءتۇسىنۋ كەرەك. ەگەر بارلىق دەرەكتەردى اشىق جاريالاساق، وندا بۇل ارەكەت تەرگەۋگە كەدەرگى كەلتىرۋى مۇمكىن»، - دەدى اگەنتتىك توراعاسىنىڭ ورىنباسارى.

بۇدان بۇرىن حابارلانعانداي، بيىل قىركۇيەك ايىندا قايرات ساتىبالدى 6 جىلعا سوتتالعان بولاتىن. سونىمەن قاتار، باس پروكۋراتۋرا وعان قاتىستى باسقا ىستەر قارالىپ جاتقانىن مالىمدەگەن.

Abai.kz