مەن قاڭتار تراگەدياسى تۋرالى كىتاپ جازار بولسام (ارينە، ادەبي كىتاپ، رومان), تاققا تالاس، باققا تالاس ءنان ادامدار، قاشقان-پىسقان شەنەۋنىك، التىن ارتقان ۇشاق، ساسقان وليگارحتار تۋرالى ەمەس، كەيىپكەرلەرىم كىشكەنتاي ادامدار بولار ەدى. ولار - وتىز جىل بويى قاقىسى كەتكەن، ءيىنى جارىپ كيىم كيمەي، قارنى تويىپ تاماق ىشپەسە دە ء"بىر كۇنى وزگەرىس بولار" دەگەن ۇمىتپەن ءومىر سۇرگەندەر بولار ەدى. ءبىر كۇنى راسىمەن دە سول كۇتكەن وزگەرىستىڭ شەتى كورىنەدى، ۇلكەن شەرۋ باستالادى.

الماتى ارەنادان، رەسپۋبليكا الاڭىنا تارتقان قالىڭ ءنوپىر، قاھارلى شەرۋ. "وسى كۇندى قانشا كۇتتىك؟" دەپ ءبىر-ءبىرىن جاقىن تارتقان تىلەۋقور جۇرت، تىلەكشىل اعايىن. سونشا ۇزاق جولدى جاياۋ باسىپ، قارا سانى ءۇزىلىپ، قانى كەۋىپ، قاتالاسا دا قولىنداعى كىشكەنتاي قۇتىداعى سۋىن جول ۇستىنە قويىپ، ارتتا كەلە جاتقاننىڭ قامىن ويلاعان قالىڭ قاراشا. كوزىندە وت، كوكىرەگىندە سەنىم. ءۇمىت، ارمان...

الاڭ. جارىلعان گراناتانىڭ قولقانى قاپقان اششى ءتۇتىنى، قۇلاقتى بىتەگەن شۋىلى. يەسىز، ءارى-بەرى تولقىعان ءنوپىر... اتىلعان وق، انتالاعان اجال...

ۇزىلگەن ءۇمىت، كۇيرەگەن سەنىم. اباقتىداعى ازاپ، تاس قابىرعادان تالىقسىپ جەتكەن داۋىس. ازالى وتباسى، اجال قۇشقان اياۋلى ازامات. قانشا قان توگىلسە دە سول باياعى ءمانى وزگەرمەگەن اۆتوريتارلىق رەجيم...

وسىلاي بولار ەدى.

ىرىسبەك دابەي

Abai.kz