جۇما, 4 ءساۋىر 2025
دەپ جاتىر 3042 4 پىكىر 4 قاڭتار, 2023 ساعات 18:48

ساعىنتاەۆتىڭ سالعىرتتىعى. اكىمدىككە ايىپ تاعىلدى

الماتىنىڭ بۇرىنعى اكىمى باقىتجان ساعىنتاەۆتىڭ تۇرمىستىق باعاعا قاتىستى ارەكەتسىزدىگى ءۇشىن اكىمدىككە ايىپ تاعىلدى. بۇل تۋرالى قازتاگ جازدى.

«2020-2021 جىلدارى ەكىنشى دەڭگەيلى بانكتەردىڭ (ەدب) دەپوزيتتەرىنە قاراجات ورنالاستىرۋدان «الماتى» اكك 1,2 ملرد تەڭگە پايدا تاپتى (پايدانىڭ 59%-ى، 2019 جىلى «الماتى» اكك-ءنىڭ قىزمەتى ءتيىمسىز بولدى). دەپوزيتتەرگە ورنالاستىرۋ ءۇشىن الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋعا بولىنگەن قاراجات پايدالانىلدى.

2020-2021 جىلدارى ازىق-تۇلىك باعاسىنىڭ ءوسۋ تەندەنتسياسى بولعانىنا قاراماستان، اكىمدىك تاراپىنان ەشقانداي ارەكەت جاسالعان جوق»، - دەپ حابارلادى سىبايلاس جەمقورلىققا قارسى قىزمەتتىڭ توراعاسى ولجاس بەكتەنوۆ ءماجىلىس دەپۋتاتتارىنىڭ سۇراۋىنا جاۋاپ بەرە وتىرىپ.

ايتا كەتەيىك، اتالعان كەزەڭدە، دالىرەك ايتساق، 2019 جىلدىڭ ماۋسىمىنان 2022 جىلدىڭ قاڭتارىنا دەيىن ساعىنتاەۆ الماتى اكىمى بولىپ ىستەدى.

بۇعان دەيىن بەكتەنوۆ «بولاشاق» باعدارلاماسىنىڭ 3 ملرد-قا جۋىق تەڭگەسى قازاقستاننىڭ ەدب-نە سالىنىپ، جوعالعانىن ايتقان.

ماجىلىسمەندەر كۆازيمەملەكەتتىك سەكتور سۋبەكتىلەرىنىڭ بانكتىك دەپوزيتتەرىن وسى بانكتەردىڭ كورپوراتيۆتىك باعالى قاعازدارىنا ايىرباستاۋدا «اشىق» ەمەستىگىن اتادى.

Abai.kz

4 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1328
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 3941
46 - ءسوز

بىزگە بەيمالىم باراق حان

جامبىل ارتىقباەۆ 2882