قر باس پروكۋرورى بەرىك اسىلوۆتىڭ مالىمەتىنشە، قاڭتار وقيعاسىنان كەيىن 1 095 ادامعا راقىمشىلىق جاسالدى.

«جالپى، قاڭتار وقيعاسى بويىنشا سوتتار 1 221 ادامعا قاتىستى ءىستى قارادى، سونىڭ اراسىندا 1 205 ادام سوتتالدى. وزدەرىڭىز بىلەتىندەي، مەملەكەت باسشىسى ءوز جولداۋىندا راقىمشىلىق جاساۋ تۋرالى اتاپ ءوتتى. وسى ورايدا «راقىمشىلىق جاساۋ تۋرالى» زاڭ قابىلداندى. زاڭ اياسىندا ارانداتۋشىلاردىڭ ايتقانىنا كونىپ، جاپپاي تارتىپسىزدىك كەزىندە قىلمىس جاساعاندار جازادان بوساتىلدى. راقىمشىلىق 1 095 ادامعا قولدانىلدى»، - دەدى ب. اسىلوۆ.

وسى ورايدا ول سوت اۋىر قىلمىستار ءۇشىن سوتتالعان 1 001 ادامنىڭ جازا مەرزىمىن قىسقارتقانىن ايتتى.

باس پروكۋراتۋرا ارنايى پروكۋرورلىق توپ اياسىندا 720 قىلمىستىق ءىس بويىنشا تەرگەۋ وتكىزدى. تەرگەۋ بارىسىندا ۇستالعان 25 تۇلعا ەكسترەميستىك توپتاردىڭ قاتىسۋشىسى، 42 ۇقت قاتىسۋشىسى، 8 بۇلدىرگىش ءدىني اعىمداردىڭ جاقتاۋشىسى، تاعى 126 تۇلعا بۇرىن كىسى ءولتىرۋ، توناۋ جانە ۇرلىققا قاتىستى ايىپتالىپ، سوتتالعاندىعى انىقتالدى.

Abai.kz