قر ىشكى ىستەر مينيسترلىگىنىڭ وكىلى شۇعىلا تۇرلىبەك ەلدەگى ءبىر اپتاداعى كريمينوگەندىك جاعدايدى باياندادى.

«ءبىر اپتا ىشىندە 2299 قىلمىس جاسالدى، ونىڭ 1490-ى تاۋلىك ىشىندە اشىلدى. پوليتسيا قىزمەتكەرلەرى «ءىزىن سۋىتپاي» 11 كىسى ءولتىرۋدى، 5 ولىمگە اكەپ سوققان دەنساۋلىققا قاساقانا اۋىر زيان كەلتىرۋدى، 1 قاراقشىلىق، 34 توناۋ جانە 303 بوتەن مۇلىكتى ۇرلاۋ قىلمىسىن اشتى»، - دەدى ىشكى ىستەر مينيسترلىگىنىڭ وكىلى اپتالىق ونلاين بريفينگىدە.

سونىمەن بىرگە، قر ىشكى ىستەر ءمينيسترى مارات احمەتجانوۆ مەملەكەت باسشىسىنا 2022 جىلعى اتقارىلعان جۇمىس جونىندە ەسەپ بەرگەن.

كەزدەسۋ قورىتىندىسى بويىنشا پرەزيدەنت اۋىلدىق جەرلەردە تۇرمىستىق زورلىق-زومبىلىقتىڭ، ينتەرنەت-الاياقتىقتىڭ جانە قىلمىستاردىڭ الدىن الۋ جانە جەدەل دەن قويۋ شارالارىنىڭ باسىمدىلىعىن اتاپ ءوتتى.

ق. توقاەۆ وسى باعىتتاعى ۇيىمداستىرۋشىلىق جانە زاڭنامالىق قادامداردى قابىلداۋدى تاپسىردى جانە ەلدەگى جول قاۋىپسىزدىگى مەن قۇقىقتىق ءتارتىپتى قامتاماسىز ەتۋ بويىنشا بىرقاتار مىندەتتەردى بەلگىلەدى.

Abai.kz