قازاقستاندا ۆانداليزم مەن جەكە مۇلىكتى بۇلدىرگەنى ءۇشىن جازا كۇشەيىپ، ءتيىستى زاڭ جوباسى بەكىتىلدى.

بيىل 3 قاڭتاردا ەل پرەزيدەنتى قاسىم-جومارت توقاەۆ «قر قىلمىستىق جانە قىلمىستىق ءىس جۇرگىزۋ كودەكستەرىنە ەكولوگيالىق قۇقىقبۇزۋشىلىقتار مەن ۆانداليزم كورىنىستەرى ءۇشىن جاۋاپكەرشىلىكتى كۇشەيتۋ ماسەلەلەرى بويىنشا تولىقتىرۋلار ەنگىزۋ تۋرالى» جانە «قر اكىمشىلىك قۇقىق بۇزۋشىلىق تۋرالى كودەكسىنە ەكولوگيالىق قۇقىقبۇزۋشىلىقتار مەن ۆانداليزم كورىنىستەرى ءۇشىن جاۋاپكەرشىلىكتى كۇشەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى.

«مۇندا بىرىنشىدەن، ۆانداليزم قىلمىستىق بابىنىڭ ديسپوزيتسياسى انىقتالدى (قىلمىستىق كودەكستىڭ 294-بابى), ونىڭ نورمالارى «قر تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى» زاڭىنا سايكەس كەلتىرىلدى. سونداي-اق، وسى قۇقىقبۇزۋشىلىقتار ءۇشىن سانكتسيالاردىڭ تومەن شەگى بەلگىلەندى. ەندى زاڭ بۇزۋشىعا ەڭ تومەنگى سوما – 172 مىڭ تەڭگە نەمەسە 50 اەك قارالعان»، - دەيدى ءىىم اكىمشىلىك پوليتسيا كوميتەتى باسقارما باستىعىنىڭ مىندەتىن اتقارۋشى ازامات قۇرىمباەۆ .

ەكىنشىدەن، بوتەننىڭ مۇلكىن قاساقانا جويعانى نەمەسە بۇلدىرگەنى ءۇشىن اكىمشىلىك جاۋاپكەرشىلىك ەنگىزىلدى (اقبتك-ءنىڭ 147-1-بابى), ياعني زالال 200 اەك-تەن (690 مىڭ تەڭگە) اسپايتىن جاعدايدا دا قولدانىلادى.

«ۇشىنشىدەن، ۇساق بۇزاقىلىقتىڭ اكىمشىلىك بابىنىڭ (اقبتك-ءنىڭ 434-بابى) ديسپوزيتسياسىنا «كولىكتەگى نەمەسە وزگە دە قوعامدىق ورىنداردا مۇلىكتى قاساقانا ءبۇلدىرۋ» جانە ونىڭ قۇقىقبۇزۋشىلىقتارى ءۇشىن سانكتسيالار ۇلعايتىلدى. تورتىنشىدەن، قىلمىستىق كودەكستىڭ 294-بابىنىڭ (ۆانداليزم) جاڭا رەداكتسياسىن ەسكەرە وتىرىپ، «اكىمشىلىك قۇقىق بۇزۋشىلىق تۋرالى» كودەكستىڭ 448-بابىنا سايكەس كەلتىرىلگەن، بۇل كامەلەتكە تولماعانداردىڭ ءۆانداليزمى»، - دەدى ءىىم وكىلى.

Abai.kz