قارجىلىق مونيتورينگ اگەنتتىگى ەلدوس قوسپاەۆتىڭ ۇيلەستىرۋىمەن رەيدەرلىك ارەكەت جاسادى دەگەن كۇدىككە ىلىنگەن ۇيىمداسقان قىلمىستىق توپتىڭ 6 مۇشەسىنە ىزدەۋ جاريالادى.

ەلدوس پەن ايدوس قوسپاەۆتار، ەرلان يماشەۆ، رۋسلان شالين، وكسانا كۋدرياشوۆا، الەكسەي كۋزنەتسوۆ تەرگەۋدەن جاسىرىنىپ ءجۇر.

ەسكە سالا كەتەيىك، قىلمىستىق توپ ۇزاق ۋاقىت بويى كۇش قولدانۋ جانە قورقىتۋ ارقىلى الماتىلىق كاسىپكەرلەردىڭ مۇلكىن، سەرىكتەستىكتەردەگى ۇلەستەرىن تارتىپ الىپ، كولەڭكەلى كاسىپكەرلىكپەن اينالىسقان.

«رەيدەرلىك شابۋىلدار بويىنشا سوتقا دەيىنگى تەرگەۋ جانە ۇيىمداسقان قىلمىستىق توپقا قاتىسى بار ادامداردى انىقتاۋ جالعاسۋدا. ىزدەۋدەگى ادامداردىڭ قايدا بولۋى مۇمكىن ەكەندىگى تۋرالى اقپاراتى بار ادامداردى قما سەنىم تەلەفونىنا حابارلاسۋدى سۇرايمىز»، - دەپ جازدى ۆەدومستۆودان.

قما بايلانىس تەلەفوندارى: 8 (7172) 708-478, 8 (727) 279-29-56. اقپارات بەرگەن ادامدارعا سىياقى قاراستىرىلعان.

2019 جىلعى 4 ناۋرىزدا الماتى قالاسىندا قوسپاەۆ ءوزىنىڭ سىبايلاستارىمەن بىرگە بيزنەستى دامىتۋعا 160 ملن تەڭگە سالعان «Profit Trade Ltd» جشس يەلەرىن ءوز ۇلەسىنىڭ 40% -ىن ۇقت-نىڭ بەلسەندى مۇشەسى يماشەۆقا جازىپ بەرۋگە ءماجبۇر ەتتى. بۇرىنعى باسشىلاردى باسقارمادان شەتتەتىپ، ۇقت مۇشەلەرى قۇجاتتاردى قولدان جاساۋ ارقىلى قالعان 35% ۇلەستى يەلەنگەن. كومپانيا الكوگول ونىمدەرىن كوتەرمە ساتۋمەن اينالىسىپ، تۇراقتى تابىس تاپقان.

ال 2020 جىلعى 30 شىلدەدە قوسپاەۆتىڭ قىلمىستىق توبى ءوز بيزنەسىنە 400 ملن تەڭگەدەن استام ينۆەستيتسيا سالعان «Azovita Aktay» جشس مەن «Azovita Atyray» جشس مەنشىك يەسىنىڭ ومىرىنە قاۋىپ ءتوندىرىپ، ۇقت مۇشەلەرىنە كاسىپورىنداردىڭ جارعىلىق كاپيتالىنىڭ 100% ۇلەسىن وتەۋسىز بەرۋگە كوندىرگەن.

Abai.kz