McDonald's ءبىزدىڭ نارىقتان ءبىرجولا كەتپەدى، دەيدى پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى سەرىك جۇمانعارين ايتتى.

«ءبىزدىڭ نارىقتان باسقا فاستفۋدتار كەتىپ جاتقان جوق، ياعني وسىندا Burger King, Hardee's سەكىلدى كومپانيالار بار. اتاپ ايتقاندا، McDonald's بۇكىل ءونىم جەتكىزۋ تىزبەگىنە وتە جوعارى تالاپتار قويىپ وتىر. بۇل تۇرعىدا بىزدەگى ەت وڭدەۋ سالاسىندا ماسەلەلەر بار ەكەنىن كورسەتىپ وتىر. بىراق بۇل تەك ەت وڭدەۋ ونەركاسىبىندە عانا ەمەس، بارلىق اۋىل شارۋاشىلىعىنا قاتىستى. سوندىقتان اۋىل شارۋاشىلىعىن دامىتۋمەن قاتار، مۇنداي ماڭىزدى جوبالاردى دا ەسكەرۋ كەرەك»، - دەدى س. جۇمانعارين ماجىلىستە تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، وسى جانە باسقا دا ماسەلەلەردى شەشۋ ءۇشىن نەگىزگى اۋىل شارۋاشىلىعى تاۋار وندىرۋشىلەرىمەن كەزدەسۋ وتكىزۋ جوسپارلانىپ وتىر.

«بىزدە بۇل ماسەلەلەرگە قاتىستى ءتيىستى شەشىم بار، ولاردى ۇزاق مەرزىمدى دەپ ايتا المايمىن. جالپى ءتۇرلى ورگانداردىڭ ءوزارا ءىس-قيمىلىن قايتا قاراۋ كەرەك. قولداۋ قۇرالدارى وسى پروتسەستىڭ ماڭىزدى بولىگى بولىپ وتىر. مەن ءوزىم كومپانيا باسشىلىعىمەن (McDonald's) پىكىر الماستىم. بۇل ماسەلەمەن اۋىل شارۋاشىلىعى ءمينيسترى دە اينالىستى. ءبىز جان-جاقتى قولداۋ كورسەتۋگە دايىن بولدىق. بىراق كومپانيانىڭ ءوزى مۇنى قالامادى، ويتكەنى رەپۋتاتسيالىق تاۋەكەلدەر بولدى. دەگەنمەن McDonald's ءبىرجولا بىزدەن كەتتى دەپ ايتا المايمىن. قازاقتان نارىعى قالاي بولعاندا دا تارتىمدى بولادى، ءبىز قانداي دا ءبىر سانكتسياعا تۇسكەن ەل ەمەسپىز»، - دەدى مينيستر.

Abai.kz