ەكس-پرەزيدەنت نۇرسۇلتان نازارباەۆتىڭ «قۇرمەتتى سەناتور» لاۋازىمى الىنىپ تاستالدى. بۇل تۋرالى سەنات توراعاسى ماۋلەن اشىمباەۆ ايتتى.

«3 اپتا بۇرىن رەگلامەنتتى قاراپ، سەناتتىڭ رەگلامەنتىنە ءتيىستى وزگەرىس ەنگىزىلدى. سونىڭ اياسىندا ءبىز «قۇرمەتتى سەناتور» اتاعىن رەگلامەنتتەن الىپ تاستادىق. ەندى بىزدە ونداي ينستيتۋت جوق. 2022 جىلى وتكەن رەفەرەندۋمدا بۇكىل حالىق قولداپ، كونستيتۋتسيادان ەلباسىنا قاتىستى نورمالار الىنىپ تاستالدى. ەرتەڭ تۇڭعىش پرەزيدەنت – ەلباسى تۋرالى زاڭ كۇشىن (پارلامەنت پالاتالارىنىڭ بىرلەسكەن وتىرىسىندا) جوياتىن بولادى»، - دەدى ول.

«قۇرمەتتى سەناتور» مارتەبەسى قازاقستاندا تەك جالعىز ادامعا – نۇرسۇلتان نازارباەۆقا 2019 جىلى مامىر ايىندا بەرىلگەن. مۇنداي مارتەبەسى بار ادام ەلدەگى اسا ماڭىزدى تالقىلاۋلارعا قاتىسا الاتىن.

«ەندى «قۇرمەتتى سەناتور» لاۋازىمى ەشكىمگە بەرىلمەيدى»،-دەيدى ماۋلەن اشىمباەۆ.

Abai.kz