تۇركىمەنستاننىڭ ەكس-پرەزيدەنتى گۋربانگۋلى بەردىمۇحامەدوۆ پارلامەنتتىڭ جوعارعى پالاتاسىن قايتا جويىپ، ءبىر پالاتالى جۇيەنى قايتارۋدى ۇسىندى. بۇل تۋرالى 11 قاڭتاردا پارلامەنتتىڭ بىرلەسكەن وتىرىسىندا ايتىلدى.

ۇسىنىسقا سايكەس، ەكى جىل بۇرىن عانا پارلامەنتتىڭ جوعارعى پالاتاسى دەپ جاريالانىپ، توراعالىققا ولكەنىڭ سول كەزدەگى پرەزيدەنتى گۋربانگۋلى بەردىمۇحامەدوۆ سايلانعان حالك ماسلاحاتى (حالىق كەڭەسى) قايتادان ءوز الدىنا بولەك ورگان بولىپ قالادى. وعان كونستيتۋتسيانى وزگەرتۋ، كونستيتۋتسيالىق زاڭداردى قابىلداۋ، ولكەنىڭ ىشكى جانە سىرتقى ساياساتىن انىقتاۋ سەكىلدى قۇقىقتار بەرىلەتىنى حابارلاندى.

ەكس-پرەزيدەنت جاڭادان قۇرىلاتىن حالك ماسلاحاتىنىڭ قۇرامى تومەندەگىدەي بولۋى ءتيىس دەدى: حالك ماسلاحاتىنىن توراعاسى، ەل پرەزيدەنتى، ءماجىلىس توراعاسى، جوعارعى سوتتىڭ توراعاسى، ۇلتتىق قاۋىپسىزدىك كەڭەسىنىڭ حاتشىسى، ءماجىلىس دەپۋتاتتارى، مينيسترلەر كابينەتىنىڭ مۇشەلەرى، ادام قۇقىقتارى بويىنشا ارنايى وكىل، باس پروكۋرور، ادىلەت مينيسترلىگى، اۋدان جانە قالا اكىمدىكتەرىنىڭ باسشىلارى، حالك ماسلاحاتىنىڭ ايماقتارداعى بولىمدەرىنىڭ، جەرگىلىكتى بيلىك وكىلدەرى، ساياسي پارتيالاردىڭ جانە قوعامدىق ۇيىمداردىڭ جەتەكشىلەرى، سونىمەن بىرگە اقساقالدار.

سونىمەن بىرگە سول كۇنى مەملەكەتتىك باق گۋربانگۋلى بەردىمۇحامەدوۆتىڭ جانە ونىڭ ۇلى، قازىرگى پرەزيدەنت سەردار بەردىمۇحامەدوۆتىڭ جارلىعى مەن توقتامىن جاريالادى.

بەيرەسمي دەرەكتەر بويىنشا گۋربانگۋلى بەردىمۇحامەدوۆ "ابسوليۋتتىك بيلىكتى" قايتا ءوز قولىنا الۋ ءۇشىن بۇل رەفورما جونىندە 2022 جىلى قايتا ويلانا باستاعان.

Abai.kz