رەسەي مەملەكەتتىك دۋماسى قورعانىس جونىندەگى كوميتەتىنىڭ توراعاسى اندرەي كارتاپولوۆ 2023 جىلى كوكتەمدە 30 جاسقا دەيىنگى جاستاردى ارمياعا شاقىرۋ جوسپارلانعانىن حابارلادى. كارتاپولوۆ سۇقباتى "پارلامەنتسكايا گازەتا" باسىلىمىندا جاريالاندى.

"كوكتەمگى اسكەرگە قابىلداۋ ناۋقانىنا دەيىن ءاربىر اسكەري كوميساريات قانشا ادام جاڭا تالاپقا ساي كەلەتىنىن انىقتاۋى ءتيىس. سوسىن وسى مالىمەتتى اسكەري ماقساتقا الماستىرادى", – دەدى كارتاپولوۆ.

دەپۋتاتتىڭ ايتۋىنشا، ازىرگە اسكەرگە قابىلداۋ جاسىن كوتەرۋ تۋرالى ماسەلە كوتەرىلىپ وتىر. "اسكەري كوميسسارياتتا 21 مەن ىق جاس ارالىعىندا اسكەرگە بارماعان 100 ادام بار دەلىك. ماقسات - 200 ادام. ەندەشە، جارتىسىن 18 جاستاعىلار، قالعانىن 21 مەن 30 جاس ارالىعىنداعىلار تولتىرادى".

كارتاپولوۆ اسكەرگە قابىلداۋ جاسىن ءوسىرۋ كەزەڭ-كەزەڭمەن جۇرەتىنىن ايتتى. ونىڭ پىكىرىنشە، بۇل پروتسەسس ءبىر جىلدان ءۇش جىلعا دەيىن سوزىلۋى مۇمكىن.

"ناتو كەڭكولەمدى سوعىس باستاعان جاعدايدا، بىزگە اسكەري ءبىلىمى بار رەزەرۆ قاجەت بولادى. بىزدە ون ادامنىڭ بىرەۋى عانا ارمياعا بارعان، ون ادامنىڭ توعىزى ارميادا بولماعان. ولار قانداي رەزەرۆ بولا الادى؟ وسىنىڭ ءبارىن وزگەرتۋ قاجەت: اسكەري جيىندار وتكىزىپ، جاستاردى دوسااف جۇيەسىندە وقىتۋ كەرەك", - دەيدى دەپۋتات ۆيكتور سوبولەۆ.

21 جەلتوقساندا رەسەي قورعانىس ءمينيسترى سەرگەي شويگۋ پرەزيدەنت ۆلاديمير پۋتينگە اسكەرگە قابىلداۋ جاسىن ءوسىرۋدى ۇسىنعان. پۋتين ونى قولداعان. رەسەيدە جاستاردى ارمياعا قابىلداۋ ناۋقانى 2023 جىلى 1 ساۋىردە باستالىپ، 15 شىلدەدە اياقتالادى.

Abai.kz