رەسەيدە كەزەكتى پرەزيدەنت سايلاۋى 2024 جىلى ناۋرىزدا ءوتۋى ءتيىس. ساياسي ناۋقان تاقاپ قالعانىنا قاراماستان پۋتين ءالى كۇنگە دەيىن تاعى ءبىر مەرزىمگە سايلاۋعا تۇسكىسى كەلەتىنىن جاريالاعان جوق. دەگەنمەن كرەمل سايلاۋدىڭ ءتۇرلى ستسەناريىن دايىنداپ جاتىر، دەپ جازدى باسىلىم.
2023 جىلى قىركۇيەكتە گۋبەرناتورلار مەن كەيبىر ايماقتاردىڭ زاڭ شىعارۋشى كەڭەستەرىن سايلاۋ وتەدى. باسىلىم دەرەككوزدەرىنىڭ ءبىرىنىڭ مالىمەتىنشە، وسى سايلاۋلاردا "ارقيلى ساياسي شەشىم" سىنالادى. ايماقتارداعى سايلاۋدا كرەمل پرەزيدەنت سايلاۋىندا قايتالانۋى مۇمكىن ستسەناريلەر قولدانىلادى، دەيدى دەرەككوز.
بۇنىڭ الدىندا "ۆەرستكا" باسىلىمى كرەمل 2024 جىلى وتەتىن پرەزيدەنت سايلاۋىنا دايىندىقتىڭ جاڭا بەلەسىنە ءوتتى دەپ جازعان. باسىلىم مالىمەتىنشە، ايماقتارداعى بيلىكتەر فەدەرالدىق ورتالىقتان ساياسي ناۋقانعا دايىندالۋ جونىندە بۇيرىق العان. اسكەري قيمىلدارعا قاراماستان، جوسپارلاۋ ءبارى ويداعىداي ەكەنىن كورسەتۋى ءتيىس، دەپ جازدى "ۆەرستكا".
ۆلاديمير پۋتين 2000 جىلدان بەرى رەسەيدى باسقارىپ وتىر. ول 2000-جىلدارى ەكى مارتە: 2000 جانە 2004 جىلدارى پرەزيدەنت بوليىپ سايلاندى. ول كەزدە رەسەيدە پرەزيدەنت مەرزىمى ءتورت جىل بولدى. 2008 جىلى پۋتين مەن سول كەزدەگى ۇكىمەت باسشىسى ورىن الماستىردى: دميتري مەدۆەدەۆ پرەزيدەنت بولسا، پۋتين ۇكىمەتتى باسقاردى.
2012 جىلى پۋتين ءۇشىنشى مەرزىمگە ءتۇستى: سول جىلى پرەزيدەنت باسقارۋ مەرزىمى ءتورت جىلدان التى جىلعا وزگەرتىلدى. 2018 جىلى ول ءتورتىنشى مارتە پرەزيدەنت اتاندى. 2020 جىلعى جازدا رەسەي كونستيتۋتسيانى وزگەرتىپ، ءپۋتيننىڭ تاعى ەكى مارتە پرەزيدەنت سايلاۋىنا تۇسۋىنە، سول ارقىلى 2036 جىلعا دەيىن بيلىكتە قالۋىنا جاعداي جاساپ بەردى.
Abai.kz
