قازاقستان شەتەلدىكتەرگە ەلگە كىرۋ ەرەجەسىن قاتايتتى. ۇكىمەتتىڭ جاڭا قاۋلىسىنا سايكەس، يمميگرانتتاردىڭ ەلدە ۆيزاسىز ءجۇرۋ ەرەجەسىنە وزگەرىس ەنگىزىلدى.

اتاپ ايتقاندا، يمميگرانتتار قازاقستان اۋماعىندا شەكارانى كەسىپ وتكەننەن باستاپ ۆيزاسىز 30 كۇنگە دەيىن عانا جۇرە الادى. وسىعان دەيىن 90 كۇنگە دەيىن بولا الاتىن. جيىنتىعى - 180 كۇنتىزبەلىك كۇننىڭ 90 تاۋلىگى.

ەۋرازيالىق ەكونوميكالىق وداققا مۇشە ەلدەردىڭ ازاماتتارى قازاقستان اۋماعىندا 180 كۇننىڭ ىشىندە 90 تاۋلىك عانا بولا الادى.

وسىلايشا ەلدە بولۋ ۋاقىتىن زاڭداستىرۋ ءۇشىن شەكارادان شىعىپ، قايتا كىرۋگە رۇقسات ەتىلمەيدى. جاڭا ەرەجە 26 قاڭتاردان باستاپ كۇشىنە ەنەدى.

رەسەيدە بىلتىر كۇزدە موبيليزاتسيا جاريالاعالى بەرى اسكەر جاسىنداعى ازاماتتاردىڭ كوبى قازاقستانعا ءوتتى. فسب شەكارا قىزمەتىنىڭ مالىمەتىنشە، بىلتىر ءۇشىنشى توقساندا قازاقستانعا 1,3 ميلليون رەسەيلىك وتكەن.

Abai.kz