ارىستانبەك مۇحامەديۇلىنىڭ قاماۋداعى مەرزىمى تاعى ۇزارتىلدى.

بۇرىنعى مادەنيەت جانە سپورت ءمينيسترى 2022 جىلدىڭ ناۋرىزىنان بەرى قاماۋدا. سىبايلاس جەمقورلىققا قارسى قىزمەت وعان بيۋدجەت قاراجاتىن جىمقىردى دەگەن ايىپ تاعىپ وتىر.

"2023 جىلعى 17 قاڭتاردا استانا مامانداندىرىلعان اۋدانارالىق تەرگەۋ سوتى كۇدىكتى مۇحامەديۇلى ا.-عا قاتىستى قاماۋعا الۋ تۇرىندەگى سانكتسيالانعان بۇلتارتپاۋ شاراسىنىڭ مەرزىمىن ءبىر ايعا ۇزارتتى", - دەدى ەلوردا سوتىنىڭ ءباسپاسوز قىزمەتى وكىلدەرى.

ەسكە سالايىق، قر ۇلتتىق مۋزەي ديرەكتورى ارىستانبەك مۇحامەديۇلىنا قاتىستى "التىن ادامنىڭ الەم مۋزەيلەرىنە شەرۋى" حالىقارالىق كورمەسىن وتكىزۋ كەزىندە 146 ميلليون تەڭگە بيۋدجەت قاراجاتىن جىمقىرۋ بەلگىلەرى بويىنشا سوتالدى تەرگەۋ ءجۇرىپ جاتىر.

ايتا كەتەيىك، بىلتىر جەلتوقساندا ەكس-شەنەۋنىكتى قاماۋعا الۋ مەرزىمى ءبىر ايعا ۇزارعان ەدى.

Abai.kz