الماتى. 18 مامىر. قازتاگ – ديليارام اركين. قازاقستانداعى تانىمال «Zona.KZ» ينتەرنەت-گازەتىنىڭ باس رەداكتورى يۋري ميزينوۆ حاكەرلىك شابۋىلداردىڭ قايتا جاندانۋىنا بايلانىستى قۇقىق قورعاۋ ورگاندارىنا شاعىمدانباق.
ونىڭ ايتۋىنشا،  DDos-شابۋىل 14 مامىردا كەشكە باستالعان.
«شابۋىلدىڭ كۇشى ازىرگە بەلگىسىز، ءبىزدىڭ ماماندار مۇنى انىقتاپ جاتىر. ءبىر جاعداي عانا بەلگىلى: بۇل كۇش «رەسپۋبليكا» اقپاراتتىق پورتالىنا جاسالعان شابۋىلعا قاراعاندا، ايتارلىقتاي تومەن»، - دەپ اتاپ كورسەتتى يۋ. ميزينوۆ.
ول «Zona.KZ» گازەتىنە شابۋىلداردىڭ دەڭگەيىنە قاراپ، جۇمىستى شەتەلدەن حاكەرلەر كومانداسى جۇزەگە اسىرىپ جاتۋى مۇمكىن دەپ جورامالدادى.
«وسى سەبەپتەن مەن قۇقىق قورعاۋ ورگاندارعا ارىزدانباقپىن، بىراق شابۋىلدار اياقتالعان سوڭ عانا. پرەمەر-ءمينيستردىڭ كومەگىنە ەندى جۇگىنبەيمىن»، - دەپ ناقتىلادى يۋ. ميزينوۆ.
ال «رەسپۋبليكا – ىسكەرلىك شولۋ» قازاقستاندىق گازەتىنىڭ سايتى جانە «رەسپۋبليكا» اقپاراتتىق-ساراپتامالىق پورتالى سياقتى ينتەرنەت-رەسۋرستارعا DDos-شابۋىلدار 17 مامىردا، جەكسەنبى كۇنى سەكۋندىنا 14 گيگابيتتان اسىپ ءتۇستى، بۇعان دەيىن ونىڭ قۋاتى سەكۋندىنا 12 گيگابيت بولعان.
«وسىعان بايلانىستى ءبىز سەرۆەرلەردى ۋاقىتشا ءوشىرۋ تۋرالى شەشىم قابىلدادىق»، - دەلىنگەن «رەسپۋبليكا» گازەتىنىڭ سايتىنداعى وقىرماندارعا ارنالعان مالىمدەمەدە.

الماتى. 18 مامىر. قازتاگ – ديليارام اركين. قازاقستانداعى تانىمال «Zona.KZ» ينتەرنەت-گازەتىنىڭ باس رەداكتورى يۋري ميزينوۆ حاكەرلىك شابۋىلداردىڭ قايتا جاندانۋىنا بايلانىستى قۇقىق قورعاۋ ورگاندارىنا شاعىمدانباق.
ونىڭ ايتۋىنشا،  DDos-شابۋىل 14 مامىردا كەشكە باستالعان.
«شابۋىلدىڭ كۇشى ازىرگە بەلگىسىز، ءبىزدىڭ ماماندار مۇنى انىقتاپ جاتىر. ءبىر جاعداي عانا بەلگىلى: بۇل كۇش «رەسپۋبليكا» اقپاراتتىق پورتالىنا جاسالعان شابۋىلعا قاراعاندا، ايتارلىقتاي تومەن»، - دەپ اتاپ كورسەتتى يۋ. ميزينوۆ.
ول «Zona.KZ» گازەتىنە شابۋىلداردىڭ دەڭگەيىنە قاراپ، جۇمىستى شەتەلدەن حاكەرلەر كومانداسى جۇزەگە اسىرىپ جاتۋى مۇمكىن دەپ جورامالدادى.
«وسى سەبەپتەن مەن قۇقىق قورعاۋ ورگاندارعا ارىزدانباقپىن، بىراق شابۋىلدار اياقتالعان سوڭ عانا. پرەمەر-ءمينيستردىڭ كومەگىنە ەندى جۇگىنبەيمىن»، - دەپ ناقتىلادى يۋ. ميزينوۆ.
ال «رەسپۋبليكا – ىسكەرلىك شولۋ» قازاقستاندىق گازەتىنىڭ سايتى جانە «رەسپۋبليكا» اقپاراتتىق-ساراپتامالىق پورتالى سياقتى ينتەرنەت-رەسۋرستارعا DDos-شابۋىلدار 17 مامىردا، جەكسەنبى كۇنى سەكۋندىنا 14 گيگابيتتان اسىپ ءتۇستى، بۇعان دەيىن ونىڭ قۋاتى سەكۋندىنا 12 گيگابيت بولعان.
«وسىعان بايلانىستى ءبىز سەرۆەرلەردى ۋاقىتشا ءوشىرۋ تۋرالى شەشىم قابىلدادىق»، - دەلىنگەن «رەسپۋبليكا» گازەتىنىڭ سايتىنداعى وقىرماندارعا ارنالعان مالىمدەمەدە.
ارىپتەستەردىڭ ايتۋىنشا، قازىرگى كەزدە تاۋەلسىز باسىلىمنىڭ ماماندارى قورعانىستىڭ جاڭا ادىستەرىن جاساپ جاتىر، ال رەداكتسيا جەلىدەگى ىنتىماقتاستىقتىڭ جاڭا تۇرلەرىن ۇسىنىپ وتىر.
«بىرىنشىدەن، بۇل respublika-kaz.livejournal.com, مۇندا جۋرناليستىك ماتەريالداردان باسقا، باسپا گازەتىنىڭ جاڭا سانىنىڭ PDF-ءتۇرىن تابۋعا بولادى. ەكىنشىدەن، وسى اپتادا جاڭا دومەندىك اتاۋلارمەن تاعى ەكى رەسۋرس جۇمىس ىستەي باستايدى. ۇشىنشىدەن، ءبىز «رەسپۋبليكانىڭ» كۇندەلىكتى تاسپاسىنا قىزىعۋشىلىق تانىتاتىندار ءبىزدىڭ رەداكتسياعا «تاسپاعا جازىلۋ» سۇرانىمىن جولداسا، جەتىپ جاتىر»، - دەلىنگەن حابارلامادا.
«رەسپۋبليكانىڭ» رەداكتسياسى ازىرگە قۇقىق قورعاۋ ورگاندارىنا شاعىمدانبايدى.
بۇرىن حابارلانعانداي، 14 مامىردا قازاقستاندا تانىمال ينتەرنەت-رەسۋرستاردىڭ سايتتارىنا تاعى دا جاپپاي حاكەرلىك شابۋىل جاسالدى.
بۇل تانىمال ينتەرنەت-گازەتتەردىڭ سايتتارىنا جاسالعان العاشقى DDoS-شابۋىل ەمەس. اقپان ايىندا، كەيىن ساۋىردە ولار وسىنداي پروبلەمالارعا تاپ بولدى.  DDoS-شابۋىلدىڭ سەبەپتەرى جانە ولاردىڭ ورىنداۋشىلارى بەلگىسىز.
ساۋىردە «Zona.KZ» باس رەداكتورى يۋ. ميزينوۆ وسىعان بايلانىستى پرەمەر-مينيستر كارىم ماسىموۆقا ساۋال جولدادى. ۇكىمەت باسشىسى «بۇل تاقىرىپتى ساياساتپەن بايلانىستىرماۋدى» ءوتىنىپ، ءوز كومەكشىلەرىنە ماسەلەنىڭ انىق-قانىعىن انىقتاۋدى تاپسىردى. الايدا ازىرگە ناتيجە بەلگىسىز.
DoS-شابۋىل (اعىلش. denial of service, قىزمەت كورسەتۋدەن باس تارتۋ) — جانە DDoS-شابۋىل (اعىلش. distributed denial of service, ۇلەستىرىلگەن قىزمەت كورسەتۋدەن باس تارتۋ)  — بۇل ەسەپتەگىش جۇيەگە شابۋىلداردىڭ تۇرلەرى. بۇل شابۋىلداردىڭ ماقساتى – جۇيەنى جۇمىس ىستەي المايتىنداي جاعدايعا جەتكىزۋ، ياعني جۇيەنى زاڭدى قولدانۋشىلار جۇيە ۇسىناتىن رەسۋرستارعا كىرە المايتىنداي نەمەسە كىرۋ مۇمكىندىگىن قيىنداتاتىن جاعدايلار جاساۋ.