اقتوبەدە پرەزيدەنت ءىس باسقارماسىنىڭ مەدورتالىعىنىڭ كۇندەرى وتۋدە. بۇگىن  قر پرەزيدەنتىنىڭ ءىس باسقارماسىنىڭ مەديتسينالىق ورتالىعى «وقجەتپەس» ەسك اق برەندىمەن توعىسقان قازاقستاننىڭ ۇزدىك شيپاجايلارى اقتوبە وبلىسىن شيپاجاي جۇمىستارىمەن تانىستىرىپ، مەموراندۋمعا قول قويدى. ايماقتارداعى مۇنداي كەزدەسۋلەر ىشكى جانە حالىقارالىق مەديتسينالىق ءتۋريزمدى دامىتۋ، قر دەنساۋلىق ساقتاۋ سالاسىنا جاڭا مەديتسينالىق تەحنولوگيالاردى ەنگىزۋ، حالىققا كومەك كورسەتۋ ءۇشىن قر پرەزيدەنتى ءىس باسقارماسىنىڭ مەديتسينالىق ورتالىعى اۋرۋحانالارى مەن ەمدەۋ-ساۋىقتىرۋ كەشەندەرىنىڭ مۇمكىندىكتەرىن كەڭەيتۋ ماقساتىندا جۇرگىزىلۋدە.

«وقجەتپەس» ەمدەۋ-ساۋىقتىرۋ كەشەنى اق پرەزيدەنتى ياكوۆ ستەرليگوۆ اقتوبە وبلىسى تۇرعىندارىن «وقجەتپەس» برەندىنە كىرەتىن ءۇش ساناتوري جۇمىسىمەن تانىستىرىپ، وبلىستىڭ ءار تۇرعىنىن ادەمى ولكەنىڭ سۇلۋلىعىمەن تامسانىپ، دەنسۋلىعىن نىعايتۋعا شاقىردى.

2017 جىلعى 27 شىلدەدە قازاقستان رەسپۋبليكاسى ۇكىمەتىنىڭ №450 قاۋلىسىمەن «وقجەتپەس»  ەمدەۋ-ساۋىقتىرۋ كەشەنى بىرەگەي جەلىگە اينالىپ، اق قۇرامىنا الماتى قالاسىندا ورنالاسقان «Almaty resort» ءساناتوريى، رەسەي فەدەراتسياسىنىڭ ەسسەنتۋكي قالاسىندا ورنالاسقان «قازاقستان» ءساناتوريى «وقجەتپەس» ەسك» اق-نىڭ ەنشىلەس كاسىپورنى بولىپ بەكىتىلدى.

«وقجەتپەس» ەسك بۋراباي – قازاقستاننىڭ ءىنجۋ-مارجانى بۋرابايدىڭ جۇرەگىندە، ششۋچە-بۋراباي كۋرورتتىق ايماعىنىڭ ەڭ ادەمى كولىنىڭ جاعاسىندا ورنالاسقان.

قازىرگى زامانعى ەمدەۋ-دياگنوستيكالىق بازامەن تولىقتىرىلعان تابيعي بىرەگەي فاكتورلار: قاراعاي ورمانىنىڭ ەكولوگيالىق تازا اۋاسى، بالپاش سور كولىنىڭ ەمدىك بالشىعى جانە «ماي بالىق كولىنىڭ مينەرالدى سۋى، رادوندى تەراپيا، قىمىزبەن ەمدەۋ، «قۇلاگەر – اراسان» مينەرالدى سۋى جۇرەك-تامىر جۇيەسى، تىنىس الۋ مۇشەلەرى، تىرەك-قيمىل اپپاراتى، اسقورىتۋ، قان اينالىمى، ەندوكريندى جانە جۇيكە جۇيەسى اۋرۋلارىن، ۋرولوگيالىق جانە گينەكولوگيالىق اۋرۋلاردى ەمدەۋگە جانە وڭالتۋعا مۇمكىندىك بەرەدى.

«Almaty resort» – زاماناۋي كوپبەيىندى ساناتورلىق-كۋرورتتىق كەشەن. الەمدىك ستاندارتتارعا ساي ەڭ زاماناۋي مەديتسينالىق قۇرال-جابدىقتارمەن قامتاماسىز ەتىلگەن. ەرەكشەلىكتەرى:

• مەنشىكتى مينەرالدى سۋ ۇڭعىماسى
• كريوساۋنا سەكىلدى بىرەگەي مەديتسينالىق ەم-شارالار
• سپورتتىق ساۋىقتىرۋ كەشەنى
• الدىڭعى قاتارلى مەديتسينالىق قۇرال-جابدىقتار
• جايلى نومىرلەر
• 5-جۇلدىزدى شيپاجاي
• زاماناۋي مەديتسينالىق بلوك

«قازاقستان» ەسك – شيپاجاي رەسەيدىڭ كاۆكاز مينەرالدى سۋلارى توبىنا كىرەتىن اسا ءىرى جانە ەڭ تانىمال بالنەولوگيالىق جانە بالشىقتى كۋرورتى —  ەسسەنتۋكي قالاسىنىڭ  ورتالىعىندا ورنالاسقان. كۋرورتتىڭ ەمدەۋ فاكتورلارىنىڭ ىشىندە الەمگە تانىمال ءحلوريدتى-گيدروكاربوناتتى ءناتريلى ىشۋگا ارنالعان سۋلارىنىڭ جەتەكشى ماڭىزى بار.  بۇل «ەسسەنتۋكي-4»، «ەسسەنتۋكي-17» جانە «ەسسەنتۋكي-نوۆايا». تامبۋكان كولىنىڭ ءسۋلفيدتى-تۇنبالى بالشىعىنىڭ ەمدىك فاكتورىنىڭ دا ءمانى كەم تۇسپەيدى.  بۇل كولدىڭ بالشىعى جوعارى مينەرالدانعان، اسا ءسۋلفيدتى بولىپ تابىلادى. ءوزىنىڭ قۇرامى بويىنشا ول ءولى تەڭىز بالشىعىنا جاقىن، بىراق ودان ورگانيكالىق زاتتار  قۇرامى بويىنشا ارتىق.

قازىرگى تاڭدا «وقجەتپەس» ەسك» اق ءوز برەندىمەن ءبىزدىڭ ەلىمىزدىڭ ەڭ جاقسى كۋرورتتارىن بىرىكتىرەدى. بىرىكتىرىلگەن جەلىنىڭ ءارتۇرلى ساناتتاعى 367 بولمەسى بار. مەديتسينالىق عيماراتتار بىلىكتى كادرلامەن جانە جاڭا مەديتسينا جابدىقتارىمەن جابدىقتالعان.

Abai.kz