سىبايلاس جەمقورلىققا قارسى قىزمەت قازاقستان رەسپۋبليكاسى ۇلتتىق مۋزەيىنىڭ ديرەكتورى ا.مۇحامەديۇلىنا (قر مادەنيەت جانە سپورت ەكس-ءمينيسترى) جانە باسقا دا ادامدارعا قاتىستى بيۋدجەت قاراجاتىن اسا ءىرى مولشەردە ۇرلاۋ فاكتىلەرى بويىنشا تەرگەۋدى جالعاستىرۋدا. بۇل تۋرالى انتيكور مالىمدەدى.

جۇرگىزىلىپ جاتقان تەرگەۋ اياسىندا ا. مۇحامەديۇلىمەن جانە باسقالارمەن ءسوز بايلاسىپ، «الەم مۇراجايلارى بويىنشا التىن ادامنىڭ شەرۋى» حالىقارالىق كورمەسىنىڭ جوباسىن ىسكە اسىرۋ كەزىندە 221 ميلليون تەڭگە سوماسىندا سەنىپ تاپسىرىلعان بيۋدجەت قاراجاتىن ۇرلاۋعا قاتىسقان «قر ۇلتتىق مۇراجايى» رمقك ديرەكتورىنىڭ بۇرىنعى ورىنباسارى ا.ش. نۇرازحان ۇستالدى.

استانا قالاسىنىڭ مامانداندىرىلعان اۋدانارالىق تەرگەۋ سوتىنىڭ سانكتسياسىمەن ا.ش. نۇرازحان 2 اي مەرزىمگە قاماۋعا الىندى.

Abai.kz