سەناتور ماۋلەن اشىمباەۆ پارلامەنت جوعارعى پالاتاسى سپيكەرىنىڭ كانديداتۋراسىن پرەزيدەنت قاسىم-جومارت توقاەۆ ۇسىناتىنىن ايتتى.

ورتالىق سايلاۋ كوميسسياسىنىڭ وتىرىسىنان كەيىن جۋرناليستەر اشىمباەۆتان سەنات توراعاسى كىم بولاتىنىن سۇرادى.

"مۇنداي شەشىمدى پرەزيدەنت قابىلدايدى. ءبىزدىڭ زاڭناماعا سايكەس پرەزيدەنت سپيكەردىڭ كانديداتۋراسىن ۇسىنادى، سودان كەيىن دەپۋتاتتار داۋىس بەرەدى. قانداي شەشىم قابىلدايتىنىن پرەزيدەنتتىڭ ءوزى شەشەدى", - دەپ جاۋاپ بەردى ماۋلەن اشىمباەۆ.

ماۋلەن اشىمباەۆ 2020 جىلعى مامىردان 2023 جىلعى قاڭتارعا دەيىن پارلامەنت سەناتىنىڭ توراعاسى قىزمەتىن اتقاردى.

بۇدان بۇرىن پرەزيدەنتتىڭ جارلىعىمەن 13 سەناتوردىڭ وكىلەتتىگى توقتاتىلدى. ولاردىڭ تورتەۋى  قايتا تاعايىندالدى، ولار: ماۋلەن اشىمباەۆ، نۇرتورە ءجۇسىپ، ءلاززات قالتاەۆا، اسقار شاكىروۆ.

Abai.kz