بەلگىلى سپورتشى يليا يلين مادەنيەت جانە سپورت مينيسترلىگىنىڭ القا وتىرىسىندا اۋىر اتلەتيكا فەدەراتسياسىنداعى ماسەلەلەردى كوتەردى. ول فەدەراتسيا باسشىلىعىنا كوڭىلى تولمايتىنىن ايتىپ، قىزمەتتى ءوز قولىنا الۋعا دايىن ەكەنىن ءبىلدىردى.

"مەن فەدەراتسيادا سپورت مەنەدجەرى رەتىندە ىستەگەنىمە ەكى جىل بولدى. ەكى جىل بويى كومانداداعى كەيبىر ماسەلەلەردى شەشۋمەن اينالىستىم. اۋىر اتلەتيكا فەدەراتسياسىنىڭ پرەزيدەنتىن كورمەگەنىمىزگە ءبىر جىل بولدى. ۇلكەن ماسەلەلەر بار. پسيحولوگتار كەرەك. وڭىرلەرگە بارىپ، جاتتىقتىرۋشىلارمەن سويلەسىپ، ولارعا ءبىزدىڭ سپورتتىڭ جويىلىپ كەتپەۋىن تۇسىندىرۋگە تۋرا كەلەدى»،-دەدى ول.

سپورتشىعا جاۋاپ بەرگەن مادەنيەت جانە سپورت ءمينيسترى اسحات ورالوۆ «جۇيەدە ماسەلەلەر بار ەكەنىن» مويىنداپ، سپورتشىعا «جەكە جولىعۋدى» ۇسىندى.

Abai.kz