بۇل تۋرالى مەملەكەت باسشىسى قاسىم-جومارت توقاەۆتىڭ پارلامەنت سەناتىنىڭ وتىرىسىنداعى سوزىندە ايتتى، دەپ حابارلايدى El.kz اقپارات اگەنتتىگى.

«سالماقتى ساياسي كۇشتەر حالىقتىڭ مۇڭ-مۇقتاجىن ەسكەرىپ، ناقتى ماسەلەلەرىن شەشۋگە ەرەكشە نازار اۋدارادى. الەۋمەتتىك ماڭىزى بار يدەيالار مەن باستامالارعا بارىنشا كوڭىل بولەدى. ەلىمىزدەگى پارتيالاردىڭ كوپشىلىگىندە مەملەكەتشىلدىك ۇستانىم بار. بۇل – جاقسىلىقتىڭ نىشانى.

جۇرت جاقىندا ءوز تاڭداۋىن جاسايدى دەپ سەنەمىن. الداعى سايلاۋدا پارتيالاردىڭ بارىنە بىردەي مۇمكىندىك بەرىلەدى. اكىمدەر قانداي دا ءبىر ساياسي ۇيىمعا جەتەكشىلىك ەتە المايدى. اتا زاڭعا ەنگىزىلگەن وزگەرىسكە سايكەس پرەزيدەنت بارلىق ساياسي كۇشتەن تىسقارى تۇرۋعا ءتيىس. ءماجىلىس پەن ءماسليحات سايلاۋى جاڭا ءارى ءادىل ەرەجە بويىنشا وتەدى.

الداعى سايلاۋدى قازاقستان پارلامەنتاريزمى تاريحىنداعى جاڭا كەزەڭنىڭ باستاۋى دەۋگە بولادى. قوعامنىڭ ءتۇرلى وكىلدەرىنىڭ مۇددەسىن پارتيالار ارقىلى قورعاۋ مۇمكىندىگى ارتادى. مۇنىڭ ءبارى ساياسي جۇيەنىڭ ورنىقتى جانە ءتيىمدى بولۋىن قامتاماسىز ەتەدى»، - دەدى قاسىم-جومارت توقاەۆ.

Abai.kz