CPJ مالىمەتىنشە، ۋكرايناداعى سوعىستان حابار تاراتۋ كەزىندە 15 باق وكىلى قازا تاپقان.

جۋرناليستەردىڭ دەنى سوعىس باستالعان كەزەڭدە قايتىس بولعان. سوڭعى رەت 2022 جىلدىڭ مامىر ايىندا فرانتسۋز وپەراتورى فرەدەريك لەكلەرك-يمحوفف گۋمانيتارلىق اۆتوبۋستا كەلە جاتقان كەزدە، ورىستىڭ بومباسىنان قازا تاپقان.

قيىن جاعدايعا قاراماستان ۋكراينادا جۋرناليستەر حابار تاراتۋدى جالعاستىرىپ كەلەدى.

2022 جىلى جۋرناليستەر ءۇشىن ەڭ قاۋىپتى ايماق لاتىن امەريكا بولدى. وندا كەمىندە 30 جۋرناليست كوز جۇمدى. ولاردىڭ دەنى جەمقورلىق تاقىرىبىندا ماسەلە كوتەرگەندەر.

مەكسيكادا 13 جۋرناليست قازا تاپقان.

"مەكسيكادا جۋرناليستەردى قورعايتىن زاڭدار بار. ولاردىڭ قۇقىعىن قورعايتىن تاۋەلسىز ۇيىمدار بار. بىراق مۇنىڭ ءبارى جۋرناليستەردىڭ قاۋىپسىزدىگىن قامتاماسىز ەتە الماي وتىر", - دەلىنگەن CPJ مالىمدەمەسىندە.

Abai.kz