ۇلىبريتانيا ۇكىمەتى رەسەي ميللياردەرى رومان ءابراموۆيچتىڭ "چەلسي" فۋتبول كلۋبىن ساتقاننان تۇسكەن 2,3 ملرد فۋنت قاراجاتتى ۋكرايناداعى سوعىس قۇرباندارىنا ارنالعان قورعا اۋدارماقشى. بۇل جونىندە ۇكىمەتتەگى دەرەككوزگە سۇيەنگەن The Telegraph باسىلىمى جازدى.

باسىلىمنىڭ مالىمەتىنشە، بيلىك ەۋرووداقتىڭ ماقۇلداۋىن كۇتىپ وتىر، سەبەبى ابراموۆيچ ەو سانكتسياسىنا ىلىنگەن. تۇپكىلىكتى شەشىم شىعارۋعا بىرنەشە اپتا كەتۋى مۇمكىن.

اقپارات قۇرالدارىنىڭ جازۋىنشا، قور قۇرۋ يدەياسىن ءابراموۆيچتىڭ ءوزى ايتقان. بىلتىر ناۋرىزدا ميللياردەر ۋكرايناداعى سوعىسقا بايلانىستى سانكتسياعا ىلىنگەن.

"چەلسي" كلۋبىن ساتۋعا قاتىستى كەلىسىم بىلتىر جىل باسىندا جاسالىپ، مامىردا اياقتالدى. كلۋب امەريكالىق ينۆەستور تود ءبوليدىڭ جەتەكشىلىگىمەن 4,25 ملرد فۋنتقا ساتىلدى. قاراجات ارنايى ەسەپشوتقا سالىنىپ، بۇعاتتالدى.

Abai.kz