قازاقستان بيلىگى پياز تيەلگەن 23 ۇلكەن جۇك كولىگىن رەسەي اۋماعىنا وتكىزبەدى. جەرگىلىكتى باق مالىمەتىنشە، باتىس قازاقستان وبلىسى ارقىلى رەسەيگە ءوتۋدى كوزدەگەن جۇك كولىكتەرى شىمكەنت قالاسىنان، سونىمەن بىرگە جامبىل جانە تۇركىستان وبلىستارىنان شىققان.

مالىمەتكە قاراعاندا، شەكارادان وتپەي قالعان جۇك يەلەرىنە قايتارىلادى نەمەسە قازاقستاننىڭ باسقا دا ورىندارىندا ساۋدالانادى.

بۇعان دەيىن حابارلانعانداي، ورتالىق ازيا ەلدەرىندە جەمىس-جيدەك پەن كوكونىس، سونىڭ ىشىندە پياز دا، اۋا رايىنىڭ كۇرت سۋىنا بايلانىستى ءۇسىپ كەتىپ جاتىر. سونىڭ سالدارىنان بازارلاردا باعا كوتەرىلدى. سوعان بايلانىستى قازاقستان 28 قاڭتاردان باستاپ پياز ەكسپورتىن ءۇش ايعا شەكتەدى.

شامامەن ەكى اپتا بۇرىن وزبەكستان اۋىل شارۋاشىلىعى مينيسترلىگى دە پياز ەكسپورتىنا ءتورت ايعا ۋاقىتشا شەكتەۋ ەنگىزەتىنىن حابارلادى.

Abai.kz