ەڭبەك جانە حالىقتى الەۋمەتتىك قورعاۋ مينيسترلىگىنىڭ حابارلاۋىنشا، 1 اقپانداعى ەسەپپەن 1539 ەتنيكالىق قازاق قانداس مارتەبەسىن الدى.

مينيسترلىك تاراتقان اقپاراتقا سايكەس، جىل باسىنان ەلىمىزگە كەلگەن قانداستاردىڭ جارتىسى (50%) وزبەكستاننان، 16,3%-ى قىتايدان، 15,9%-ى رەسەيدەن، 8,4%-ى تۇرىكمەنستاننان، 4,5%-ى موڭعوليادان جانە باسقا ەلدەردەن كەلدى.

ەتنيكالىق قازاقتار نەگىزىنەن الماتى (27%), ماڭعىستاۋ (16,6%), تۇركىستان (7,1%) جانە جامبىل (3,6%) وبلىستارىنا، سونداي-اق استانا (10,5%), الماتى (7,6%) جانە شىمكەنت (6,5%) قالالارىنا قونىستاندى.

"1 اقپانداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 69,1%-دى، ەڭبەككە قابىلەتتى جاستان كىشى 22,7%-دى جانە زەينەتكەرلەر 8,2%-دى قۇرايدى. ەڭبەككە قابىلەتتى جاستاعى كانديداتتاردىڭ ىشىنەن ءبىلىم دەڭگەيى بويىنشا 20,1% جوعارى ءبىلىمدى، 40,9% ورتا كاسىبي ءبىلىمدى، 35,2% جالپى ورتا ءبىلىمدى جانە 3,8% ءبىلىمى جوق", - دەلىنگەن حابارلامادا.

Abai.kz