قوستاناي وبلىسىنىڭ رۋدنىي قالاسىندا جىلۋ ماگيسترالىنەن تاعى اقاۋ شىعىپ، 83 ءۇي مەن 17 نىسان جىلۋسىز قالدى. بۇل تۋرالى قوستاناي وبلىسى اكىمدىگىنىڭ ءباسپاسوز قىزمەتىنەن ءمالىم ەتتى.

«9 اقپان كۇنى ساعات 08:30-دا رۋدنىي قالاسىندا جىلۋ ماگيسترالىندە اقاۋ انىقتالدى. وسىعان بايلانىستى گورنياكوۆ كوشەسىنىڭ دزەرجينسكيدەن لەنينگە دەيىنگى بولىگىندە ورنالاسقان جىلۋ تراسساسى جابىلدى. 24 كوپقاباتتى ءۇي، 59 جەكە ءۇي مەن 17 زاڭدى تۇلعانىڭ عيماراتىنا جىلۋ بەرۋ ۋاقىتشا توقتاتىلدى»، - دەپ ءمالىم ەتتى وبلىس اكىمدىگىنىڭ ءباسپاسوز قىزمەتىنەن.

ەسكە سالايىق، سوڭعى كەزدەرى جىلۋ جەلىسىندەگى جيىلەگەن اقاۋلارعا بايلانىستى تاياۋدا پرەزيدەنت اتالعان قالاعا جۇمىس ساپارىمەن باردى. جاعدايمەن تانىسقان قاسىم-جومارت توقاەۆ رۋدنىيداعى جەلىلەردىڭ توزۋ دەڭگەيى وتە جوعارى ەكەنىن اتاپ ءوتىپ، وبلىس پەن شاھار اكىمدىگىنە جاعدايدى جەدەل قالپىنا كەلتىرۋ تۋرالى تاپسىرما بەردى.

سونىمەن بىرگە 6 اقپاندا جەلىلەردەگى اپاتتار مەن ىركىلىستىڭ ءجيى ورىن الۋىنا بايلانىستى رۋدنىي قالاسىندا توتەنشە جاعداي رەجيمى ەنگىزىلدى.

Abai.kz