الماتى اكىمى ەربولات دوساەۆ 9 اقپاندا بوستاندىق اۋدانىنىڭ تۇرعىندارىمەن كەزدەسۋىندە 2023 جىلدىڭ ەكىنشى جارتىجىلدىعىندا قالادا جاڭا سەيسميكالىق اۋديت جۇرگىزىلەتىنىن مالىمدەدى، دەپ جازادى Zakon.kz.

اكىممەن كەزدەسۋدە اۋدان تۇرعىندارىنىڭ ءبىرى قالانىڭ باس جوسپارىندا بۇقار جىراۋ داڭعىلىنىڭ بويىنداعى عيماراتتاردىڭ سەيسميكالىق كورسەتكىشتەرى نەگە ەسكەرىلمەگەنىن سۇرادى.

اكىم 2021 جىلى سەيسميكالىق ميكرواۋدانداستىرۋدىڭ جاڭا كارتاسى بەكىتىلگەنىن ايتتى. وندا بارلىق كەمشىلىكتەر ەسكەرىلدى.

"قالاداعى ءبىزدىڭ باسىمدىلىعىمىز – قاجەتتى عيماراتتاردى سەيسميكالىق كۇشەيتۋ. بۇل باعىتتاعى جۇمىستار ءالى جالعاسادى. بۇل شەشىمدەر قازىر ەمەس، ونداعان جىلدار بۇرىن قابىلدانعان"

دوساەۆتىڭ ايتۋىنشا، 2017-2018 جىلدارى قازقسعزي سەيسميكالىق اۋديت جۇرگىزگەن.

"بيىلعى جىلدىڭ ەكىنشى جارتىسى مەن كەلەسى جىلى ءبىز قالانىڭ جاڭا سەيسميكالىق ءاۋديتىن باستايمىز. وزدەرىڭىز بىلەسىزدەر، الماتىدا 2020-2021 جىلدارى جاڭا تەكتونيكالىق بۇزىلىستار پايدا بولدى. جاڭا باس جوسپاردا بارلىق قاجەتتى سەيسميكالىق تالاپتار ەسكەرىلگەن. قالانىڭ سەيسميكالىق زوندتاۋى ەسەپكە الىنبايتىن بىردە-ءبىر جەر جوق، اباي داڭعىلىنان جوعارىنىڭ بارلىعى 10 بالل، اباي داڭعىلىنان تومەنگى جاقتاردىڭ ءبارى 9 جانە 10 باللدىق ايماقتار"

Abai.kz