تۇركيا مەن سيريادا بولعان جەر سىلكىنىسىنەن 23 مىڭنان استام ادام قازا تاپتى. سوڭعى مالىمەت بويىنشا، تۇركياداعى ءزىلزالادان 20 213 ادام كوز جۇمسا،  سيريادا 3500 ادام قايتتى.

ەكى ەلدە اپاتتان 80 مىڭنان استام ادام ءتۇرلى جاراقات الىپ، زارداپ شەكتى. ولاردىڭ سانى دا ساعات سايىن ءوسىپ جاتىر.

پرەزيدەنت قاسىم-جومارت توقاەۆتىڭ تاپسىرماسى بويىنشا، قازاقستان تۇركياعا ءوز قۇتقارۋشىلارى مەن دارىگەرلەر توبىن جىبەرگەن ەدى. قازىر ولار تۇركيانىڭ ەكى قالاسىندا – گازيانتەپ پەن نۇردالىدا جۇمىس ىستەپ جاتىر. ىزدەۋ-قۇتقارۋ وپەراتسيالارى كەزىندە 7 ادام تىرىدەي تابىلىپ، 14 ءمايىت ءۇيىندى استىنان شىعارىلدى.

Abai.kz