قۇندى قۇجاتتاردا ەلىمىزدىڭ تاريحى تۋرالى تىڭ اقپاراتتار بار. قۇجاتتار ۆەنگريا، گەرمانيا، يتاليا سەكىلدى جانە ت.ب. ەۋروپالىق وداق ەلدەرىنەن اكەلىنگەن، دەپ حابارلايدى قر مادەنيەت جانە سپورت مينيسترلىگىنىڭ ءباسپاسوز قىزمەتى.

بىلتىر عالىمدارىمىز 14 مەملەكەتكە ىزدەستىرۋ-زەرتتەۋ جۇمىستارىمەن باردى. ولار جيناعان قۇجاتتار قاتارىندا 445 فوتوسۋرەت، 206 كىتاپ جانە سيرەك قولجازبالار بار. حرونولوگيالىق تۇرعىدان 918-1990 جىلدار ارالىعىن قامتيدى.

قايتارىلعان قۇجاتتار قر ۇلتتىق ارحيۆىنە تاپسىرىلدى. قازىر مادەنيەت جانە سپورت مينيسترلىگى بىرىڭعاي دەرەكتەر بازاسىن قۇرۋ باعىتىندا جۇمىس جۇرگىزىپ جاتىر. باعالى تاريحي قۇجاتتاردى تاراتۋ ءۇشىن فوتوالبومدار، جيناقتار، حرونوگرافتار، ومىرباياندىق انىقتامالىقتار جانە باسقا دا پايدالى ماتەريالدار باسپادان شىعارىلا باستادى.

«ارحەولوگتار مەن تاريحشىلارىمىزدىڭ جۇمىسى مۇنىمەن بىتپەيدى. 2025 جىلعا دەيىن قازاقستاندىق عالىمدار شەتەلگە تاعى بىرنەشە ەكسپەديتسيا جوسپارلاپ وتىر»، - دەپ اتاپ ءوتتى مادەنيەت جانە سپورت ۆيتسە-ءمينيسترى نۇرعيسا داۋەشوۆ.

Abai.kz