«AYBA-جانۇيا» قارجى پيراميداسىن قۇرۋ جانە باسقارۋ فاكتىسى بويىنشا قىلمىستىق ءىستى قارجى مونيتورينگى اگەنتتىگىنىڭ شىمكەنت قالاسى بويىنشا دەپارتامەنتى تەرگەپ جاتىر.

جاۋاپكەرشىلىگى شەكتەۋلى سەرىكتەستىك ويدان شىعارىلعان شارتتارمەن ازاماتتارعا باسپانا الۋعا كومەك كورسەتەتىنى انىقتالدى. الەۋمەتتىك جەلىلەردە سيپاتتالعان شارتتارعا سايكەس ينۆەستور 5000 تەڭگە سالىپ، ودان كەيىن 5 نەمەسە ودان دا كوپ ادامدى تارتۋى كەرەك.

ادامداردى تارتقاننان كەيىن سالىمشىعا سالعان سوماسى قايتارىلادى جانە سىيلىق بەرىلەدى. بەلگىلى ءبىر دەڭگەيگە جەتكەن سوڭ سالىمشىعا پاتەر نەمەسە 10 ميلليون تەڭگە ۋادە ەتىلگەن.

ەسكە سالايىق، قارجىلىق (ينۆەستيتسيالىق) پيراميدا سحەمالارىن قۇرۋ قر قك 217-بابى بويىنشا مۇلكى تاركىلەنىپ، 10 جىلعا دەيىن باس بوستاندىعىنان ايىرۋ تۇرىندەگى جازامەن قىلمىستىق جاۋاپكەرشىلىكتى كوزدەيدى.

«ازاماتتاردى قىراعى بولۋعا جانە قىسقا مەرزىمدە ارتىق پايدا تابۋ تۋرالى كۇماندى ۇسىنىستاردان اۋلاق بولۋعا شاقىرامىز.

قۇرمەتتى ازاماتتار!

«AYBA-جانۇيا» قارجىلىق پيراميداسىنىڭ قۇربانى بولساڭىز، سەنىم تەلەفوندارىنا حابارلاسىڭىز»،-دەلىنگەن حابارلامادا.

Abai.kz