ورتالىق سايلاۋ كوميسسياسى Respublica پارتياسىنىڭ تەڭ توراعاسى سىرىمبەك تاۋدى ءمəجىلىس سايلاۋىنان شەتتەتتى. بۇل تۋرالى ونىڭ دوسى ايداربەك قوجانازاروۆ Facebook پاراقشاسىندا جازدى.

«بالكىم، فورمالدىلىق ماڭىزدى شىعار، بىراق ول وتە لايىق كانديدات بولدى. سىرىمبەكتىڭ قازاقستان حالقىنا دەگەن شىنايى ماحابباتىن اركەز بايقايمىز. پاندەميا كەزىندە ونىڭ كومپانياسى الماتىداعى 9800 وتباسىنا ازىق-تۇلىك كومەگىن كورسەتتى، «ءبىز بىرگەمىز» جانە «شۇعىلا» قايىرىمدىلىق قورلارىنا قارجى ءبولدى. سونداي-اق، «تاۋ شاڭىراق» قايىرىمدىلىق قورىنىڭ قۇرىلتايشىلارىنىڭ ءبىرى، تالعار قالاسىنداعى بالالاردى وڭالتۋ ورتالىعىنىڭ قۇرىلىسىنا قارجى ءبولىپ، ارىس قالاسى مەن ماقتاارال اۋدانىنىڭ سۋ تاسقىنىنان زارداپ شەككەن 100 تۇرعىنىنا كومەك كورسەتتى.

سىرىمبەك نولدەن باستاپ جەكە كاسىبىن كوتەرىپ، 600 جۇمىس ورنىن اشتى، مەملەكەت بيۋدجەتىنە 10 ميلليارد تەڭگەدەن استام سالىق تولەدى.

بىراق مەن باسا ايتايىن، Respublica پارتياسى ەشبىر جاعدايدا بەرىلمەيدى، ءبىز كۇرەستى ءارى قاراي جالعاستىرامىز. مۇنداي وقيعالار ءبىزدى تەك قانا شىنىقتىرادى، قايرايدى جانە سىرىمبەك سياقتى لايىقتى تۇلعالارعا جول ارقاشان اشىق بولاتىن ناعىز جاڭا قازاقستاندى قۇرۋعا ىنتالاندىرادى»،-دەدى ول.

Abai.kz