الماتىدا زاڭگەردى سوققىعا جىققان اسكەري قىزمەتكەر گرەك-ريم كۇرەسىنەن قازاقستاندىق جانە بۇرىنعى كەڭەس وداعىنىڭ پالۋانى داۋلەت تۇرلىحانوۆتىڭ ۇلى بولىپ شىقتى. بۇل تۋرالى Tengrinews.kz حابارلادى.

بۇل اقپاراتتى تۇرلىحانوۆتىڭ ءوزى راستادى.

"ول كامەلەتكە تولعان ادام. ءيا، ول مەنىڭ ۇلىم. جاساعان ارەكەتىنە ءوزى جاۋاپ بەرەدى. ول بويىنشا ناقتى شەشىمدى قۇقىققورعاۋ ورگاندارى قابىلدايدى", - دەپ جاۋاپ بەردى داۋلەت تۇرلىحانوۆ.

ەسكە سالايىق، بۇعان دەيىن الماتىدا اسكەري قىزمەتكەر بەلگىلى ادۆوكاتتى سوققىعا جىققانى حابارلانعان بولاتىن.

بۇل وقيعا تۋرالى ادۆوكات ولەگ چەرنوۆتىڭ ايەلى اننا ديميتريەۆيچ Facebook-پاراقشاسىندا جازعان. ولار تاكسيگە وتىرا بەرگەندە ءبىر جىگىت جۇگىرىپ كەلىپ، سوققىعا جىعىلعان قىزعا كومەكتەسۋىن سۇراعان. الماتى پد بۇل دەرەك قر قىلمىستىق كودەكستىڭ 293-بابى "بۇزاقىلىق" بويىنشا سوتالدى تەرگەۋدىڭ بىرىڭعاي تىزىلىمىنە تىركەلگەنىن حابارلايدى. قىلمىستىق ءىس بويىنشا العاشقى تەرگەۋ ارەكەتتەرى جۇرگىزىلىپ، ساراپتامالار تاعايىندالدى.

كۇدىكتى اسكەري ادام بولعاندىقتان، قازىر ءىس ماتەريالدارى سوتتىلىعىن انىقتاۋ ءۇشىن قالالىق پروكۋراتۋراعا جىبەرىلگەن.

Abai.kz