دۇنيەجۇزىلىك دەنساۋلىق ساقتاۋ ۇيىمىنىڭ ەۋروپاداعى ايماقتىق ديرەكتورى حانس كليۋگە تۇركيا مەن سيرياداعى ءزىلزالا سوڭعى 100 جىلداعى ايماقتاعى ەڭ اۋىر تابيعي اپات بولعانىن مالىمدەدى. 

«ءبىر اپتادان استام ۋاقىت بۇرىن تۇركيانىڭ ورتالىق بولىگى مەن سيريانىڭ سولتۇستىك-باتىسىندا بولعان كۇشتى جەر سىلكىنىستەرى ايماقتاعى سوڭعى عاسىرداعى ەڭ اۋىر تابيعي اپات بولدى»، - دەدى كليۋگە.

ول ەكى ەلدە كەمىندە 26 ميلليون ادام گۋمانيتارلىق كومەككە مۇقتاج ەكەنىن اتاپ ءوتتى.

سونىمەن قاتار، كليۋگە بۇل كورسەتكىش ءالى دە كوبەيۋى مۇمكىن ەكەنىن اتاپ ءوتتى. ددسۇ قۇرباندار مەن زارداپ شەككەندەر ەكى ەسە كوپ بولۋى مۇمكىن ەكەنىن بولجاپ وتىر.

ددسۇ وكىلى سونداي-اق، تۇركياداعى مەديتسينالىق جۇيە اۋىر جۇكتەمەدە جۇمىس ىستەيتىنىنە نازار اۋداردى، ويتكەنى ەلدە جارالانعاندار كوپ.

«ءبىز ددسۇ-نىڭ ەۋروپالىق ايماعىندا 75 جىلدىق تاريحىمىزداعى ەڭ ءىرى جەدەل مەديتسينالىق كومەك بريگادالارىن ورنالاستىرۋدى باستادىق. ولاردىڭ ماقساتى - زاقىمدالعان مەديتسينالىق مەكەمەلەردى قولداۋ»، – دەدى كليۋگە.

Abai.kz