پرەمەر-مينيستر ءاليحان سمايىلوۆ سايلاۋ ۋچاسكەلەرىندە ۆيدەوكامەرا ورناتۋدى ەكونوميكالىق تۇرعىدا ءتيىمسىز دەپ ەسەپتەيدى.

«بەينەجابدىقتاردى ساتىپ الۋدىڭ ەكونوميكالىق تيىمسىزدىگى مەن ورىنسىزدىعىن اتاپ وتەمىز، ويتكەنى بارلىق سايلاۋ ۋچاسكەلەرىن بەينەكامەرالارمەن جاراقتاندىرۋ رەسپۋبليكالىق بيۋدجەتتەن قوماقتى بيۋدجەت قاراجاتىن بولۋدى تالاپ ەتەدى. كونستيتۋتسياعا سايكەس ساياسي پارتيالاردىڭ، وزگە دە اككرەديتتەلگەن قوعامدىق بىرلەستىكتەردىڭ، كوممەرتسيالىق ەمەس ۇيىمدارىنىڭ بايقاۋشىلارى داۋىس بەرۋ بارىسىنا جانە ونىڭ قورىتىندىلارىن شىعارۋعا كەدەرگى جاساماي، فوتوجازبا، دىبىسجازبا جانە بەينەجازبا جاساۋعا قۇقىلى. جوعارىدا ايتىلعانداردى ەسكەرە وتىرىپ، قولدانىستاعى زاڭناما داۋىس بەرۋ بارىسىن بەينەتىركەۋ مۇمكىندىگىن جەتكىلىكتى دارەجەدە قامتاماسىز ەتەدى دەپ سانايمىز. سونداي-اق داۋىس بەرۋ ۋچاسكەلەرىنەن ونلاين-ترانسلياتسيالاردى قولدانعان بىرقاتار ەلدەر ونىڭ وسالدىعىنا بايلانىستى (اۋستراليا، ۇلىبريتانيا، كانادا، شۆەيتساريا، نيدەرلاندى، اقش) بۇل تاجىريبەدەن باس تارتۋعا ءماجبۇر بولعان حالىقارالىق تاجىريبەنى قاراستىرۋ وزەكتى بولىپ وتىر»، - دەيدى سمايىلوۆ.

بۇعان دەيىن ەكس-دەپۋتات قازىبەك يسا ۆيدەوكامەرالار ورناتۋ ارقىلى سايلاۋدىڭ ءادىل ءوتۋىن قاداعالاي الامىز دەپ، ۇكىمەتكە ۇسىنىس جولداعان ەدى.

Abai.kz