AMANAT پارتياسىنان دەپۋتاتتىققا ۇمىتكەرلەر مەن ونىڭ سەنىمدى وكىلدەرى ستانيسلاۆ كانكۋروۆ، المات كوداسباەۆ، نۇرىمبەك تاۋ، جانە اقميرا سادىقوۆا «Maksat Med» مەديتسينا ورتالىعىنىڭ ۇجىمىمەن كەزدەستى. ەلىمىزدەگى مەديتسينا سالاسىن دامىتۋ ماڭىزدى ماسەلەلەردىڭ ءبىرى دەگەن ۇمىتكەرلەر جيىلعان قاۋىمعا پارتيانىڭ سايلاۋالدى باعدارلاماسىنىڭ نەگىزگى باعىتتارىن ايتىپ بەردى.

«مەديتسينا سالاسىنىڭ نەگىزگى مىندەتى – ءومىر ءسۇرۋ ۇزاقتىعىن ارتتىرۋ، ازاماتتارىمىزدىڭ دەنساۋلىعىن جاقسارتۋ. ول ءۇشىن دەنساۋلىق ساقتاۋ سالاسىنداعى كادر تاپشىلىعىن تومەندەتىپ، مەديتسينا قىزمەتىنىڭ قولجەتىمدىلىگى مەن ساپاسىن ارتتىرۋ كەرەك. بۇل – پارتيانىڭ نەگىزگى باسىمدىقتارىنىڭ ءبىرى»، – دەپ اتاپ ءوتتى كانديداتتار.

قازىرگى ۋاقىتتا الماتىدا حالىق سانىنىڭ وسۋىنە بايلانىستى قالا ەمحانالارى بىرنەشە ەسە ارتىق جۇكتەمەمەن جۇمىس ىستەپ وتىر. ماسەلەن مەملەكەتتىك ەمحانالاردىڭ 60 پايىزدان استامىندا جۇكتەمە 1,7 ەسە ارتىق. حالىق دەنساۋلىعى – ەڭ قىمبات قازىنا دەپ ەسەپتەيتىن اماناتتىقتار الداعى ۋاقىتتا الاتاۋ، اۋەزوۆ، جەتىسۋ، مەدەۋ، ناۋرىزباي مەن تۇركسىب اۋداندارىندا كەدەرگىسىز ورتانى قامتيتىن جاڭا ستاندارتتار بويىنشا سالىناتىن 16 ەمحانانىڭ قۇرىلىسىن قارجىلاندىرۋعا ىقپال ەتەتىندەرىن جەتكىزدى.

«بۇدان بولەك، ءبىزدىڭ سايلاۋالدى باعدارلاماعا سايكەس 42 العاشقى مەديتسينالىق-سانيتارلىق كومەك كورسەتۋ نىساندارىنىڭ قايتا قۇرىلۋى، جابدىقتالۋى، كۇردەلى جوندەۋدەن وتكىزىلۋى باقىلاۋعا الاتىن بولامىز. جۇمىس ىستەپ تۇرعان 10 ستاتسيوناردى كەزەڭ-كەزەڭىمەن قايتا جوندەۋدەن وتكىزىپ، 3 ستاتسيوناردىڭ قۇرىلىسىن باستاۋ جوسپارىمىزدا بار»،-دەپ اتاپ ءوتتى س.كانكۋروۆ.

ۇمىتكەرلەر قالانىڭ بارلىق اۋداندارىندا جەدەل جاردەم بريگادالارىنىڭ كەلۋ ۋاقىتىن قىسقارتۋ ءۇشىن جەدەل مەديتسينالىق جاردەم قىزمەتىنىڭ 15 قوسالقى ستانساسىن سالۋعا جانە بەسەۋىن قايتا قۇرۋعا ىقپال ەتەتىندەرىن تىلگە تيەك ەتتى. سونىمەن قاتار بىلىكتى ماماندارعا دەگەن سۇرانىستى ازايتۋ ءۇشىن مەديتسينالىق جوو وقۋعا 880 گرانت ءبولۋ ماسەلەسىن وڭتايلى شەشۋدى جانە 10,8 مىڭ مەديتسينا قىزمەتكەرىنىڭ بىلىكتىلىگىن ارتتىرۋ ءۇشىن باستاما كوتەرۋ كوزدەلگەن.

ماتەريالدىڭ اقىسى الماتى قالاسى ءماسليحاتى دەپۋتاتتارىنىڭ سايلاۋىندا پارتيالىق ءتىزىمدى ۇسىنعان «AMANAT» پارتياسى سايلاۋ قورىنىڭ قاراجاتىنان تولەندى.

Abai.kz