اقش مەملەكەتتىك حاتشىسى ەنتوني بلينكەن العاش رەت قازاقستانعا ساپارلايدى، دەپ حابارلادى قازاقستان ءسىم.

«28 اقپاندا اقش مەملەكەتتىك حاتشىسى ەنتوني بلينكەن قازاقستانعا ءوزىنىڭ العاشقى ساپارىن جاسايدى. استانادا بولۋى بارىسىندا مەملەكەتتىك حاتشىنى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ قابىلدايدى جانە قر پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى ونىمەن ەكىجاقتى كەلىسسوزدەر وتكىزەدى. سول كۇنى استانادا ە.بلينكەن جانە ورتالىق ازيا ەلدەرىنىڭ سىرتقى ساياسي مەكەمەلەرى باسشىلارىنىڭ قاتىسۋىمەن س5+1 فورماتىنداعى مينيسترلىك كەزدەسۋ وتەدى. كۇن ءتارتىبى وڭىرلىك ىنتىماقتاستىق جانە اقش-پەن سەرىكتەستىك ماسەلەلەرىن ودان ءارى دامىتۋدى قامتيدى»، - دەلىنگەن حابارلامادا.

Abai.kz