قازاقستاننىڭ توتەنشە جاعداي مينيسترلىگى باتىس قازاقستان وبلىسىندا تىكۇشاق اپاتىنان قايتىس بولعانداردىڭ اتى-ءجونىن جاريالادى، دەپ حابارلادى Halyq Uni.

قايتىس بولعانداردىڭ اراسىندا اعا بورتمەحانيك-نۇسقاۋشى سيازبەك اندوسوۆ، ۇشقىش-نۇسقاۋشى دوۆلەتباي قاناتوۆ، جەتەكشى ينجەنەر جاردەم دوسقاليەۆ، ەكىنشى پيلوت ۆلاديمير افاناسەۆ بار.

ايتا كەتەيىك، 23 اقپاندا باتىس قازاقستان وبلىسىندا اپاتتى جاعدايدا قونعان تىكۇشاقتا بولعان 4 ادام قازا تاۋىپ، 2 ادام زارداپ شەكتى.

ازاماتتىق اۆياتسيا كوميتەتىنىڭ مالىمەتىنشە، بۇگىن بقو-دا «قازاۆياقۇتقارۋ» اق تىكۇشاعى اپاتتى جاعدايدا قونۋعا ءماجبۇر بولدى. وقيعا چاپۋرينو ەلدى مەكەنىنەن 6 كم قاشىقتىقتا بولعان. ساعات 15:50-دە «قازترانسويل» اق تاپسىرىسى بويىنشا قۇبىردى اۋەدەن شولۋ ءۇشىن ۇشىپ شىققان «قازاۆياقۇتقارۋ» اق  مي-8 تىكۇشاعى جەرگە قاتتى ەكپىنمەن قونعان.

Abai.kz