«AMANAT» پارتياسىنان دەپۋتاتتىققا ۇمىتكەرلەر جانە شتاب مۇشەلەرى مەيىرجان وتىنشيەۆ، داۋرەن مارالوۆ، ماقپال باتىرحانوۆا، مۇحتار تاجىباەۆ جانە فاريدا وماربەكوۆا «LCI-MK» جشس ەڭبەك ۇجىمىمەن كەزدەسىپ، ۇگىت-ناسيحات جۇمىسىن جۇرگىزدى.

بۇل كومپانيا قازاقستان رەسپۋبليكاسىندا تەمىر بەتون جانە كوپىر كونسترۋكتسيالارىن وندىرۋمەن اينالىسادى. بۇرىن «مو-1» جشس قۇرامىندا بولعان «LCI-MK» جشس تەمىربەتون بۇيىمدارى زاۋىتىنىڭ نەگىزى 1943 جىلى قالاندى. بۇگىنگى تاڭدا كاسىپورىن ءبىزدىڭ ەلىمىزدەگى تەمىر جانە كوپىر قۇرىلىمدارىنىڭ الدىڭعى قاتارلى جانە جەتەكشى وندىرۋشىلەرىنىڭ ءبىرى.

كومپانيانىڭ ءوندىرىسى ەكى نەگىزگى قۇرىلىس سەگمەنتىنىڭ قاجەتتىلىگىنە قىزمەت كورسەتۋگە باعىتتالعان، اتاپ ايتقاندا، اۆتوجول جانە تەمىرجول قۇرىلىسى، سونداي-اق ونەركاسىپتىك نىسانداردى، كوممەرتسيالىق جانە تۇرعىن ءۇي نىساندارىن سالۋ.

كانديداتتارمەن وتكەن كەزدەسۋدە بارلىق دەڭگەيدەگى ءوندىرىس پەن جۇمىسكەرلەردى بارىنشا قولداۋ بويىنشا ماسەلە كوتەرىلدى. ماسەلەن، ەڭبەكتى قورعاۋ بويىنشا ەڭ تومەنگى ستاندارتتار ارتتىرىلاتىن بولادى. وسىلايشا، پارتيا جازاتايىم وقيعانى تەرگەۋ كەزىندە قىزمەتكەردىڭ، جۇمىس بەرۋشىنىڭ كىناسىن انىقتاۋ ءتارتىبىن قايتا قارايدى. سونىمەن قاتار، پارتيا زياندى جانە قاۋىپتى وندىرىستەردە جۇمىس ىستەيتىن قىزمەتكەرلەردىڭ ەرتە زەينەتكە شىعۋ مۇمكىندىگىنە قول جەتكىزەتىن بولادى. اماناتتىقتاردىڭ ايتۋىنشا، ءار قىزمەتكەر بارىنشا قورعالۋى ءتيىس.

قىزمەتكەرلەر ءوز كەزەگىندە زەينەتاقى جۇيەسىن قايتا قاراۋدى سۇرادى، ويتكەنى جيناقتالعان 10% زەينەتاقى جارنالارى جىل سايىن قۇنسىزدانادى. سونداي-اق، ءمامس جۇيەسىن جەتىلدىرۋ تۋرالى ۇسىنىس ءتۇستى، ويتكەنى بۇل ارقىلى دەنساۋلىق ساقتاۋ مەكەمەلەرىندە مەديتسينالىق قىزمەتتەردى الۋ قيىن. سونىمەن قاتار، قىزمەتكەرلەر دەپۋتاتتىققا كانديداتتاردان سىبايلاس جەمقورلىققا قارسى كۇرەستى كۇشەيتۋدى سۇرادى.

ايتا كەتەيىك، پارتيانىڭ رەسپۋبليكالىق باعدارلاماسى اياسىندا زەينەتاقى مەن جاردەماقىنى يندەكستەۋ قامتاماسىز ەتىلەدى. بازالىق زەينەتاقى كەلەسى بەس جىل ىشىندە كوتەرىلمەك.

*الماتى قالاسى ءماسليحاتى دەپۋتاتتارىنىڭ سايلاۋىندا پارتيالىق ءتىزىمدى ۇسىنعان «AMANAT» پارتياسى سايلاۋ قورىنىڭ قاراجاتىنان تولەندى.

Abai.kz